ଭକତି ପ୍ରଦୀପ

ଚଇତି ପୂର୍ଣ୍ଣମୀ ଶୁଭ ଅବସରେ

ଭକତି ପ୍ରଦୀପ ଜାଳି

କରୁଛୁ ଆହ୍ୱାନ ଆଦ୍ୟ ବଇଶାଖ

ବିରଜେ ଦେବୀ ବାସେଳୀ ।

ଖଣ୍ଡ ମା ଦୂରିତ ଦୁଃଖ ଦୈନ୍ୟ କଷ୍ଟ

ଶ୍ରୀଦେବୀ ମା ମହାଲକ୍ଷ୍ମୀ

ପ୍ରଥମ ଦିବସେ ଯଜ୍ଞ ସ୍ୱରୂପିଣୀ

ଜଣାଉ କୋଟି ପ୍ରଣତି ।

ଦ୍ୱିତୀୟ ଦିବସେ ଦେବୀ ଅଧିଷ୍ଠାତ୍ରୀ

ତୁମେ ମହା ସରସ୍ୱତୀ

ଭକ୍ତି ନଇବେଦ୍ୟ ଅର୍ଘ୍ୟ ସମର୍ପଣେ

ବରଦା ସୁଖଦା ଶାନ୍ତି ।

ଯଜ୍ଞ ପୂର୍ଣ୍ଣ।ହୂତି ତୃତୀୟ ଦିବସ

ବସୁମାତେ ଭଦ୍ରକାଳୀ

ହୁଅନ୍ତୁ ସଦୟ ଭକ୍ତ ହନୁମାନ

ଜଣାଉଛୁ ହାତଯୋଡି ।

ରହନ୍ତୁ ପ୍ରସନ୍ନ ଭୂଦେବୀ ବସୁଧା

ଅନ୍ତରୀକ୍ଷେ ଦେବଗଣ

ହୁଏ ଆୟୋଜନ ନାମ ସଙ୍କୀର୍ତ୍ତନ

ସ୍ୱସ୍ତି ସ୍ୱ।ହା ସ୍ୱଧା ଯଜ୍ଞ ।

ଅନ୍ନ ବସ୍ତ୍ର ଦାନ ଦକ୍ଷିଣା ପ୍ରସାଦେ

ପିତୃଗଣ ପରିତୋଷ

ଭକତି ସୁମନ କରୁଛୁ ଅର୍ପଣ

ଦିଅ ମାତା ଶୁଭାଶିଷ ।