ଭକ୍ତ ବିନା ରଥ ଯାତ

ଆଦେଶ ମିଳିଛି  ବିନା ଭକତରେ

    ଏସନ ରଥ ଯାତରା

ସମାପନ ହେବ  ଆଇନ ଧାରାରେ

    କଡା ପୋଲିସ ପହରା,

     ବିଧି ରକ୍ଷା ହୋଇବ

ଭକ୍ତ ଘରେ ବସି  ଟିଭିରେ ଦେଖିବ

     କାଳିଆ ନନା ହସିବ।

ମନ ବଡଦାଣ୍ଡେ ଗଡାଇବା ରଥ

    ତିନି ଠାକୁର ବସାଇ

ଭକତି ରଜ୍ଜୁରେ  ଟାଣିବା ରଥକୁ

   ଉଲ୍ଲାସ ଘଣ୍ଟା ବଜାଇ,

    ନବଧା ଭକତି କରି

ନବଦିନାତ୍ମକ   ଯାତ ଆଚରିବା

    ହୃଦୟ ଗୁଣ୍ଡିଚା ବାଡି।

ଗୋଟି ପହଣ୍ଡିରେ ତିନି ଠାକୁରଙ୍କୁ 

    ମନ ମୁନ ଚଇତନ

ସମର୍ପଣ କରି  ଶରଧା ଚକାରେ

    ବସାଇବା ସିଂହାସନ,

    ଯଜ୍ଞ ବେଦୀ ଅସଜଡା

ଭୂତ ହୁଡାହୁଡି  ଆଗୁଁ ସାରିଥିବା

    ରାନ୍ଧିବା କର୍ମ ଅବଢା।

କାଳ ବଳବାନ  ସୁଯୋଗ ଦେଇଛି

   ଜଗାକୁ ଅନ୍ତରେ ଦେଖି

ଭକତି ବଳରେ  ପୁରୀ ଦରଶନ

   ନ ଲାଗେ ଅଧୁଲି ସୁକି,

   ଜଗାକୁ ଯୋଗରେ ଘେନି

ବଳରାମ ଦାସ  ସାଲବେଗ ପରି

   ପାଇବା ଜଗା ଦର୍ଶନୀ।