ଭଜୁଛି ଭଜିବି ପ୍ରଭୁ ତୁମରି ନାମ
ଭଜୁଛି ଭଜିବି ପ୍ରଭୁ ତୁମରି ନାମ
ଭଜୁଛି ଭଜିବି ପ୍ରଭୁ ତୁମରି ନାମ
ମନ ମନ୍ଦିର ରେ କରୁ ଥିବି ପ୍ରଣାମ
ଆଗକୁ ପଡ଼ିବ ଯେତେ ଯାହା କଷଣ
ସହିବି ସବୁକୁ କରି ହୃଦୟ ଟାଣ ।
ଗଭୀର ଭକ୍ତିର ଶକ୍ତି ସ୍ରୋତ ଧାର ରେ
ପୁରି ଉଠେ ଚିତ୍ତ ମୋର ଅନୁରାଗ ରେ ।
ମାୟା ମରୀଚିକା ଖେଳ ଘର ଏ ଭବ
ମାୟା ମୃଗ ତୃଷ୍ଣା କ୍ଷତ କରେ ସଦ୍ଭାବ ।
ଆକର୍ଷଣ କାରୀ ଏ ବିଷୟ ବାସ୍ନା ରେ
ଭୁଲି ଯିବି ନାହିଁ ପ୍ରଭୁ ତୁମକୁ କେବେ ।
ତୁମରି ପ୍ରେମରେ ଚିତ୍ତ ବୃତ୍ତି ସତତ
ଚଳାଇ ରଖିବି ଆହେ ପ୍ରଭୁ ଅନନ୍ତ ।
ଦୟାମୟ ପ୍ରଭୁ ତୁମେ ଭକ୍ତ ବତ୍ସଲ
ଦୁଃଖ ଦୁଦ୍ଧଶା ରୁ ଭକ୍ତେ କର ଉଦ୍ଧାର ।
ତୁମ ରି ନାମ କୁ ଧ୍ୟାନ କରି ଜୀବନେ
ପବିତ୍ର ଉତ୍ସାହ ଧରି କାର୍ଯ୍ୟ ସାଧନେ ।
କୃତକୃତ୍ୟ ହେଇ ଯାଉ ମୋର ଜୀବନ
ଭଜୁ ଥିବି ନିତି ହରେ ରାମ କିଶିନ ।
ଆହେ ଦୟାମୟ ପ୍ରଭୁ ଚକା ନୟନ
ତୁମରି ଭାବ ରେ ମନ ରହୁ ମଗନ ।
ହରି ନିଅ ଦୁଃଖ ଶୋକ କୋହ କଷଣ
ଅଶାନ୍ତି ଦୁଶ୍ଚିନ୍ତା ଯେତେ ବିପାକ ମାନ ।
ନୂତନ ଭାବନା ସ୍ବପ୍ନ ଜାଗୁ ମନ ରେ
ବାଜୁ ତୁମ ପ୍ରେମ ପ୍ରୀତି ନିତି ଅନ୍ତରେ ।
ତୁମରି ପ୍ରେମରେ ଚିତ୍ତ ହେଉ ବିହ୍ୱଳ
ତୁମ ପ୍ରୀତି ସ୍ରୋତ ଧାର କରୁ ପାଗଳ ।
ଦୁଖେ ସୁଖେ ସବୁ ବେଳେ ତୁମ ଭାବ ରେ
ଥିବି ନିତି ନିତି ମନ ଉଲ୍ଲାସ ଭରେ ।
ମାଗଇ ଏତିକି ମୁଁହି ତବ ଛାମୁ ରେ
ଅନ୍ୟ କାମନା ନାହିଁ ମୋର ମନ ରେ ।