ଭଜୁ କିନା ରାମ ନାମ

ସଂସାର ଭିତରେ ଶ୍ରେଷ୍ଠ ପ୍ରାଣୀ ଭାବେ

ମାନବ ରୂପରେ ବିଦିତ,

କରିଯାରେ ଧନ କିଛି ପୁଣ୍ୟ କର୍ମ

ଗାଇ ରାମ ନାମ ଗୀତ ।

କେହି ଯିବେ ନାହିଁ ସାଥିରେ ତୋହର

ମଶାଣି ବାଟକୁ ସବୁ,

ତରିବାର ଯଦି ଅଛି ମହିତଳେ

ପୁଣ୍ୟ ପାଇଁ ମନ ଦେବୁ ।

ଆଖି ତୋର କରିଅଛି କେତେ ପାପ

ସମର୍ଥ କରି ପାପିକୁ,

ହସ୍ତ ଅବା ତୁହି କେତେ କରି କ୍ଷୟ

ରଖିଛୁ ଅହଙ୍କାରକୁ ।

ସରିନି ସରିନି ବାକି ଅଛି କିଛି

ଲୀଳା ଖେଳା ଏହି ଧାମେ,

ଜପି ରାମ ନାମ ହୋଇଯିବୁ ପାରି

ସୁଧାର ଆଣିଲେ କର୍ମେ ।

ସବୁ ମିଛ ଏଠି ରାମ ନାମ ସତ୍ୟ

ଶେଷ ବେଳେ ସେହି ଲୋଡା,

ଆଜିଠୁ ଜପୁଥା ସେହି ନାମକୁ ତୁ

ହେବୁନି କେବେ ଅଲୋଡ଼ା ।