ଭିଟାମାଟିର ବାସ୍ନା

ଘର ଛାଡ଼ି ସିନା ଭଡାରେ ରହୁଛି

ଭଲ ଲାଗୁନାହିଁ ସହର ଜ୍ୟୋସ୍ନା

ରାତି ଅଧମଧ୍ୟେ ମନେ ମନେ ଖୋଜେ

ଭିଟାମାଟିର ବାସ୍ନା ।

ଭିଟାମାଟି ସିନା ଛାଡି ମୁଁ ଆସିଛି

ନିତି ମନେପଡ଼େ ସ୍ଵପ୍ନରେ

ସ୍ତ୍ରୀ ସଙ୍ଗେ ସିନା ଏକାଠି ରହୁଛି

ବୁଢୀ ମାଆ ରହେ ଗାଁରେ।

ଗାଁ ଭିଟାମାଟି ଜୀବନ ତୋଳିଛି

ସ୍ତ୍ରୀ ପାଇଁ ସିନା ସହରେ

ଅବେଳରେ ଆଜି ପଡ଼ିଅଛି ମୁହିଁ

ଅର୍ଥ ଉପାର୍ଜନ ଲାଳସାରେ ।

ଭିଟାମାଟିରେ ମୋ ଜୀବନ ଯାଆନ୍ତା

ଭାବିଥିଲି ପିଲାବେଳୁ

ଘରଣୀ ମୋହର ଆସିବା ଦିନୁ

ଭୁଲିଗଲି ସେହି କାଳୁ ।