ଲାଇବ୍ରେରୀ
ପ୍ରୋଫାଇଲ୍
ଭିନ୍ନ ଏକ ଶିଶୁ
ଭିନ୍ନ ଏକ ଶିଶୁ
ଜଣେ ଶିଶୁ ପଚାରୁଛି
ଆଉ ଜଣେ ଶିଶୁକୁ
ଆଜି ପରା ଶିଶୁ ଦିବସ
ଚାଲ ଯିବା ବିଦ୍ୟାଳୟକୁ ।
ଉତ୍ତର ଦେଉଛି ସାଙ୍ଗକୁ
ମୁଁ ପରା ଯିବି ଜରି ଗୋଟାଇ
ରେଳ ଷ୍ଟେସନ ପାଖକୁ ।
ଚାଚାଙ୍କ ଜନ୍ମ ଦିଵସକୁ
ସାରା ଭାରତରେ ପାଳୁଛୁ
ଆଜି ଦିନଟି କାମରେ
ନଗଲେ ଭୋକରେ କ'ଣ ମରୁଛୁ ।
ରୋଗୀଣା ମା' ଶେଯରେ
ପଡିଛି ଭାତ ଯାଉନି ପେଟକୁ
ଵାପା ମୋର ଦାଦନ
ଯାଇଛି ସୂତା କଳ ସୁରାଟକୁ ।
୬ ରୁ ୧୪ ବର୍ଷର ଶିଶୁ
ଯିଵେ ନାହିଁ ପରା କାମକୁ
ଶିକ୍ଷା ଅଧିକାର ଆଇନ
କହୁଛି ଶିକ୍ଷା ଦିଆଯିବ ସଭିଁକୁ।
ମୁଁ ପରା ଅଭାଗା ପେଟ
ପାଇଁ ଵୁଲୁଛି ଗଳି କନ୍ଦିକୁ।
ସଞ ନଇଁଗଲେ ଭିଡି ମୁଁ
ଧରୁଛି ମା'ର ପଣତ କାନିକୁ।
ଵିଦ୍ୟାଳୟେ ପରା ମାଗଣା
ମିଳୁଛି ଵହି ଜାମା ଓ ଖାଇବାକୁ
ପାଠପଢା ସଙ୍ଗେ ସୁଯୋଗ
ପାଉଛୁ ନାଚ, ଗୀତ, ଖେଳିଵାକୁ।
ସମୟ ମୋର ନଷ୍ଟ
ନକରି ଦିଅ ମୋତେ ଯିବାକୁ
ଡେରି ହୋଇଗଲେ କିଏ
ଗୋଟାଇ ନେବ ସବୁ ଜରି ଆଉ ବୋତଲକୁ ।
