ଭିଜା ଭିଜା ସ୍ଵପ୍ନ

ଭିଜା ଭିଜା ସ୍ଵପ୍ନ ନିଶାର୍ଦ୍ଧ ବିପନ୍ନ 

  କାମନା ସଂଲଗ୍ନ ଭାବ , 

ଆଶା ଆକାଂକ୍ଷାର ଯୌବନ ବିଭବ 

  ପ୍ରାପ୍ତି ଯୋଗ ଅନୁଭବ  ! ! 

ମିଠା ମିଠା ବାସ୍ନା ଭାବ ଉଦ୍ଦୀପନା 

  ଉଦ୍ଭାସିତ ପ୍ରେମ ଛବି , 

ନିର୍ଜନ ରାତ୍ରୀର  ପ୍ରେମ ଅଭିସାର 

  ଲେଖନୀରେ ଆଙ୍କେ'କବି ! ! 

ପ୍ରୀତି ପୁଷ୍ପ ଗୁଚ୍ଛ ପ୍ରେମର ସ୍ମାରକ 

   ସମର୍ପଣେ  ଧର୍ମ କର୍ମ , 

ଭାବ ବନ୍ଧନର  ନିଆରା ସମ୍ପର୍କ 

   ଭେଦକରେ ସଦା ମର୍ମ ! ! 

ସ୍ଵପ୍ନ ଗନ୍ତାଘର  ସ୍ମୃତିର ମନ୍ଦିର 

   ଅପୂଜା   ଠାକୁର ଦିଅଁ, 

ପୂଜା ଅର୍ଘ୍ୟଥାଳି  ହସ୍ତେ ଜପାମାଳି 

   ସପନେ ସ୍ମୃତି  ପଦୁଅଁ  ! !

ପ୍ରେମର ପ୍ରେମିକା ସ୍ମୃତି ଅନାମିକା 

   ସୌନ୍ଦର୍ଯ୍ୟା ସଂହିତା ସୁତା , 

ଗୋପନରେ ଆସେ ନିଶାର୍ଦ୍ଧ ରାତ୍ରୀରେ 

    ପ୍ରେମରେ  ଜଗତଜିତା ! ! 

କବି ଭାବନାରେ ପ୍ରୀତି ପୁଷ୍ପ ଫୁଟେ 

    ସ୍ଵପ୍ନଆଖି ଖୋଜେସାଥୀ , 

ଏ'ସପନ ନିଆରା ପ୍ରେମର ସାହାରା 

   ଜଳିଉଠେ  ପ୍ରେମବତୀ ! ! 

ଜୀବନ ଯୌବନ ପ୍ରେମର କାରଣ 

   ଭିଜା ସ୍ଵପ୍ନ ଦେଖେ ନେତ୍ର , 

ପ୍ରେମୀଏକା ବୁଝେ ପ୍ରେମର ସୌହାର୍ଦ୍ଧ୍ୟରେ 

    ପ୍ରେମର ମହତ୍ତ୍ଵ ତତ୍ତ୍ଵ ! ! 

ହେ'ପ୍ରେମିକ ପ୍ରେମିକା ସମ୍ପଦ କଣିକା 

   ସମାଜର  ହିତକାଂକ୍ଷୀ ,       

 ପ୍ରେମସ୍ଵପ୍ନ ଦେଖ ରଖ ତା' ମହତ୍ତ୍ଵ 

    ଭିଜା ଚକ୍ଷୁ ଯିବ ଶୁଖି  ! !