ଭଦ୍ରମୁଖା
ଭଦ୍ରମୁଖା
ଧୋବ ଫରଫର ବସ୍ତ୍ର ଆପଦମସ୍ତକ
କର ଯୋଡି ନମସ୍କାର
ବିନୟଭାଵ ହସରିତ ମୁଖ
ସଭିଙ୍କ ସହ ରକ୍ତଗତ ସମ୍ପର୍କ ତୁଲ୍ୟ ଆଚରଣ
ସାତ ଜନ୍ମର ସୁଖ ଦୁଃଖର ସାଥୀ ପରି ଭାବ ବିନିମୟ
ସତେ ଯେପରି ସତ୍ୟ ଯୁଗର ଅୟମାରମ୍ଭର
ପ୍ରାକ ପ୍ରସ୍ତୁତି, ପ୍ରାକ ଆଭାସ ।।
ହେଲେ ଏ ସମୟ ,ଏ ଦୃଶ୍ୟ
ନୁହେଁ ଦୀର୍ଘସ୍ଥାୟୀ
କେବଳ ମତଦାତାର ଶେଷ ଭୋଟ
ଭୋଟ ବାକ୍ସରେ ପଡିବା ଯାଏ ।।
ନିର୍ବାଚନ ଫଳାଫଳ ଘୋଷଣା ସହିତ
ବଦଳିଯାଏ ଚିତ୍ର
ଭଦ୍ରମୁଖା ଧାରୀ ସାଜେ
ନାୟକରୁ ଖଳନାୟକ
କେଉଁଠି ଟିପୁ ସୁଲତାନ ସାଜେ ତ
କେଉଁଠି ମହମ୍ମଦ ଘୋରୀ
ଗଣତନ୍ତ୍ର ଓ ସମ୍ବିଧାନର ସୁରକ୍ଷା ନାରା ଦେଇ
କରିଚାଲେ ଆଇନର ବଳାତ୍କାର
ସ୍ପଷ୍ଟ ଦିବାଲୋକରେ
କ୍ଷମତା ଥିବା ଯାଏ ।।