ଭବେ ରଖିବ ସୁନାମ

  

ସିନ୍ଧୁ ମରୁଭୂମି ଅମରକୋଟରେ   

     ଜନ୍ମିଥିଲେ ଆକବର

ପିତା ହୁମା୍ୟୁନ  ସେରଶାହା ଡରେ

    ପଳାଇଲେ ବହୁଦୂର।

ରୁଚି ଅନୁଯାଇ    ପୁତ୍ର ଜନ୍ମ ଦିନ

    ପାଳିତ ହୋଇଲା ନାହିଁ

ଚିନ୍ତିତ ମନରେ   ତମ୍ବୁ ମଧ୍ଯେ ବସି

    ହୁମା୍ୟୁନ ବ୍ୟଥା ପାଇ।

ମନେ ପଡିଗଲା     ତଥାପି ରସିଛି

     ଗୋଟିଏ କସ୍ତୁରୀ ଥଳି

ଟିକେ ଟିକେ ଭାଙ୍ଗି  ବନ୍ଧୁମାନଙ୍କୁ ସେ

    ବାଣ୍ଟି ଦେଲେ ଭଳି ଭଳି।

ଆହେ ବନ୍ଧୁଗଣ   ଏଇ ଉପହାର

    ନିଅ ସର୍ବେ ଖୁସି ମନେ

ଏହା ଛଡା ଆଉ   କିଛିଵି ଦେଉନି

    ମୋର ପୁତ୍ର ଜନ୍ମ ଦିନେ।

ପ୍ରାର୍ଥନା କର ହେ  ମୋପୁତ୍ର ଯେପରି

    ଭବେ ରଖିବ ସୁନାମ

ବନ୍ଧୁ ଗହଣରେ  ବ୍ୟଥା ଭରା ହୃଦେ

     ଭଣୁଥିଲେ ହୁମା୍ୟୁନ।