ଭାଷାର ଉନ୍ନତି ଦେଶର ପ୍ରଗତି
ଭାଷାର ଉନ୍ନତି ଦେଶର ପ୍ରଗତି
ସାହିତ୍ୟ ଅଟଇ ଜ୍ଞାନ ଗର୍ଭ ଗ୍ରନ୍ଥ
ଶିକ୍ଷା ସଂସ୍କାର ରଚନା ,
ଜାତିର ଉନ୍ନତି ନୁହଁଇ ସମ୍ଭବ
ସୁନ୍ଦର ସାହିତ୍ୟ ବିନା ।
ଭାଷାର ଉନ୍ନତି ଦେଶର ପ୍ରଗତି
କହିଛନ୍ତି ବିଜ୍ଞ ଜନ ,
ଲିଖନ ପଠନ ଶୁଦ୍ଧତା ନଥିଲେ
ଶିକ୍ଷା ଦୀକ୍ଷା ଅକାରଣ ।
ପୂର୍ବ ସାହିତ୍ୟିକ, ଗାଳ୍ପିକ, କବିଙ୍କ
ପାଇଁ ଗର୍ବିତ ଓଡ଼ିଶା ,
ଲେଖନୀ ମାଧ୍ୟମେ ଦେଖାଇ ଅଛନ୍ତି
ସମାଜକୁ ନୂଆ ଦିଶା ।
ବଢ଼ି ଅଛି ଏବେ ସାହିତ୍ୟକି ସଂଖ୍ୟା
ବଢୁନି ସାହିତ୍ୟ ମାନ ,
ସାହିତ୍ୟିକ ନିଜ ପ୍ରଚାରରେ ମଗ୍ନ
ଏହାହିଁ ମୁଖ୍ୟ କାରଣ ।
ସମ୍ମାନ ପ୍ରତିଷ୍ଠା ଗୋଡାଇବ ପଛେ
ଲେଖାରେ ରଖିଲେ ନିଷ୍ଠା ,
ସ୍ବାର୍ଥେ ହୋଇ ଅନ୍ଧ ଲେଖନୀ ଚାଳନା
ବିଫଳ ମାତ୍ର ପ୍ରଚେଷ୍ଟା ।