STORYMIRROR

Pradeep Kumar Panda

Inspirational

4  

Pradeep Kumar Panda

Inspirational

ଭାରତର ଗଣତନ୍ତ୍ର

ଭାରତର ଗଣତନ୍ତ୍ର

1 min
306


ଧନ୍ୟ ଏ ଭାରତ ବର୍ଷ ଧନ୍ୟ ଗଣତନ୍ତ୍ର

ଉଚ୍ଚାରିତ ଭିନ୍ନତାରେ ଏକତାର ମନ୍ତ୍ର |

ସମଦୃଷ୍ଟି ପରିପୁଷ୍ଟି କୋଣେ ଅନୁକୋଣେ

ତିଳେମାତ୍ର ହୀନଦୃଷ୍ଟି ନାହିଁ ଆଚରଣେ |

ସଭିଏଁ ସ୍ୱତନ୍ତ୍ର ଏଠି ସଭିଙ୍କୁ ସମ୍ମାନ

ସୁଖ ଶାନ୍ତି ସୌହାର୍ଦ୍ଦର ବାଜଇ ଘୋଷଣ |

ଧଇର୍ଯ୍ୟ ସାହସ ଶକ୍ତି ଜ୍ଞାନ ଓ ବିଜ୍ଞାନ

ରାଷ୍ଟ୍ରଭକ୍ତି ବିଶ୍ୱପ୍ରୀତି ବଳିଷ୍ଠ ସାଧନ |

ମାନବତା ପବିତ୍ରତା ଜନସେବା ବ୍ରତ

କର୍ମରେ ବିଶ୍ୱାସ ଆଶ୍ରା ସତ୍ୟ ଧର୍ମ ପଥ |

ସାହାଯ୍ୟ ସହାନୁଭୂତି ଭାବ ବିନିମୟ

ସମୁହ କଲ୍ୟାଣ ତା'ର ଆତ୍ମ ପରିଚୟ |

ନିଷ୍ପକ୍ଷ ନିର୍ଭରଯୋଗ୍ୟ ବିଚାର ବ୍ୟବସ୍ଥା

କୋଟି କୋଟି ହୃଦୟରେ ଭରେ ପୂର୍ଣ୍ଣ ଆସ୍ଥା |

ସର୍ବଶିକ୍ଷା ଅଭିଯାନ ଶିକ୍ଷା ଅଧିକାର

ଶିକ୍ଷାନୀତି ସର୍ବୋପରି ଶିକ୍ଷାର ଆଧାର |

ଏ ଦେଶର ନାଗରିକ ଏ ଦେଶ ସୈନିକ

ସମର୍ପିତ ଦେଶ ପାଇଁ ପ୍ରେମର ପଥିକ |

ତ୍ରିରଙ୍ଗା ପତାକା ଆଜି ଉଡେ ଫର ଫର

ଭାରତ ମାତାର ଆଜି ହୁଏ ଜୟକାର |

ବିଶାଳ ଏ ଗଣତନ୍ତ୍ର ସର୍ବତ୍ର ପୂଜିତ

ଏହାର ମାନ ସମ୍ମାନ ରହୁ ସୁରକ୍ଷିତ |

ଧନ୍ୟ ସେହି ଦୂରଦ୍ରଷ୍ଟା ଧନ୍ୟ ତାଙ୍କ କୀର୍ତ୍ତି

ପବିତ୍ର ଦିନରେ ତାଙ୍କ ଚରଣେ ପ୍ରଣତି 


ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Inspirational