ଭାରତ

ମହାବୀର ଜନ୍ମ କି ଅବା ଜୟନ୍ତୀ

ଜୈନ ଧର୍ମୀ ମାନଙ୍କର,

ପ୍ରସିଦ୍ଧ ଅଥବା ପବିତ୍ର ଉତ୍ସବ

ହୁଏ ତିଥି ଅନୁସାର l

ବିଭିନ୍ନ ବରଷେ ତିଥି ଅନୁଯାୟୀ

ସଭିଏଁ ଖୁସିରେ ମିଶି,,

ବୀର ନିର୍ବାଣ ସମ୍ବତ୍ ର ପବିତ୍ର

ଶୁଦ୍ଧ ଚୈତ୍ର ତ୍ରୟୋଦଶୀ l

ମହାବୀର ବର୍ଦ୍ଧମାନ ଜୈନଙ୍କର

ଚତୁର୍ବିଂଶ ତମ ଗୁରୁ,,

ସେଇ ମଧ୍ୟ ପୁଣି ଶେଷ ତୀର୍ଥଙ୍କର

ଅଟନ୍ତି ସେ ମହାତରୁ l

ଏକଦା ଓଡିଶା ଉତ୍କଳ ସମୟେ

ଜୈନ ପ୍ରମୁଖ ପୀଠ

ଉଦୟଗିରି ଓ ଖଣ୍ଡଗିରି ଠାରେ

ରହିଥିଲା ତାଙ୍କ ମଠ l

କୁମାର, କୁମାରୀ ଗୁମ୍ଫାରେ ରହିଛି

ସ୍ଥାପତ୍ୟର ନିଦର୍ଶନ,,

ଯାହାକୁ ଆଜିବି ଭକ୍ତିରେ ଦେଖିଲେ

ପୂରିଯାଏ ମନ ପ୍ରାଣ l

ଏହି ଧର୍ମ ହୁଏ ଖରାବେଳ ଠାରୁ

ଆରମ୍ଭ ପ୍ରମାଣ ଅଛି,,

ଶେଷେ ହୁଏ ପୁଣି କପିଳେନ୍ଦ୍ର ଦେବ ଠି

ଇତିହାସ ପ୍ରମାଣୁଛି l

ସେଇ ସମୟରେ ସାରଳା ଦାସଙ୍କ

ରଚିତ ମହାନ ଗ୍ରନ୍ଥ,,

ମହାଭାରତର ନାମରେ ବିଦିତ

ପଢ଼ୁଥିଲେ ସାଧୁ ସନ୍ଥ l

ସେଥିରେ ଲେଖାଟି ରହିଛି ସୁଜନେ

ହତ୍ୟାକୁ ବିବାଦ ମାନ,

ନଯିବ ସେଠାକୁ କେବେହେଲେ ତୁମେ

ରହିବ ତେବେ ସମ୍ମାନ l

ବେନିଜନ ଯେବେ କଳହ ଲାଗିବେ

ନ ହୋଇବ ତାର ସାକ୍ଷୀ,,

ଆପଣା ଭlରିଯା ଯାହା ରାନ୍ଧି ଦେବ

ତହିଁରେ ହୋଇବ ଖୁସି l

ଜାତି ନିର୍ମାଣରେ ନିମଜ୍ଜି ରହିବ

ଗୋଟିଏ ନାରୀ କରିବ,,

ସାରଳା ଦାସଙ୍କ ଏହି ଉପଦେଶ

ସମୂହଁ ସ୍ଵାର୍ଥେ ରଖିବ l