Library
Profile
...!!.ଭାରତ ତାହାରି ନାଁ.!!....
...!!.ଭାରତ ତାହାରି ନାଁ.!!....
1 min
125
ସ୍ୱାର୍ଥ ସ୍ୱାଭିମାନୁ ବହୁ ଊର୍ଧ୍ୱରେ
କୋଟି ଜନତାଙ୍କ ହୃଦ କନ୍ଦରେ
ଶୁଭୁଥାଏ ଯାହା ନାଁ
ପ୍ରାଣବିନ୍ଦୁର ପ୍ରଥମ ସ୍ପନ୍ଦନ
ଭାରତ ତାହାରି ନାଁ
ସାଗର କାନରେ ଗଙ୍ଗା ଗୋଦାବରୀ
କହିଯାଏ ଆହା ନିତି ଝରି ଝରି
ବିପଦେ ଆପଦେ ସାହା
ତୁଙ୍ଗ ହିମଗିରି ତନୁରେ ଲିଖିତ
ଭାରତ ତାହାରି ନାଁ
ପବନେ ବହୁଛି ମୁକ୍ତି ଅହିଂସା
ଶସ୍ୟ ଶ୍ୟାମଳିମା ସୁଷମା ମିଶା
କୋଟି ସନ୍ତାନ ମା
ସୁଜଳା ସୁଫଳା କାନନ କୁନ୍ତଳା
ଭାରତ ତାହାରି ନାଁ
