ଭାରତ ଭୁବନେ ଆସିବ କେ ଜଣେ
ଭାରତ ଭୁବନେ ଆସିବ କେ ଜଣେ
ଭାରତ ଭୁବନେ ଆସିବ କେ ଜଣେ
ସଦା ମୁଁ ଦେଖଇ ସପନେ ।
ହିଂସା ବାଦ ରାଗ ଘୃଣା
ଦେବ ସେ ଦୂରେଇ
ଲୋଭ ମୋହ ସ୍ୱାର୍ଥ ଯେତେ
ଦେବ ସେ ଘୁଞ୍ଚାଇ
ଫେରାଇ ଆଣିବ ଗାରିମା ଗୌରବ
ଭୁବନେ।
ଶାନ୍ତି ମୈତ୍ରୀ ପ୍ରୀତି ଭାବେ
ହସିବ ଏ ଭୂଇଁ
ଏ ଭାରତେ ସ୍ୱର୍ଗ କିବା
ଆସିବ ଓହ୍ଲାଇ
ହସି ହସାଇବା ମନ ମିଶାଇବା
ଜୀବନେ।
ଚାହିଁ ଚାହିଁ ରହିଛି ମୁଁ
ସେଭଳି ଦିନକୁ
ସତେ କି ସତ କରିବ
କେହି ମୋ ସ୍ୱପ୍ନକୁ
କିଏସେ ଆସିବ ସତେ ବିରାଜିବ
ଗୋପନେ।