🌹ଭାରି ସୁଆଦ 🌹

ମାଟି କୋଢୁଆରେ ତୋର ମହାପ୍ରସାଦ

 ଭାରି ସୁଆଦରେ ଜଗା ଭାରି ସୁଆଦ ।

ଲକ୍ଷ୍ମୀ ହାତ ରନ୍ଧା ବୋଲି ପାଅ ଆନନ୍ଦ

ଷାଠିଏ ପଉଟି ଭୁଞ୍ଜ ପରମାନନ୍ଦ

ଆନନ୍ଦ ବଜାର ଖୋଲି ବିକୁଛ ଭାତ

ତୁଣ୍ଡେ ବାଜି ଗଲେ ଥରେ ସେହି ସୁଆଦ

ମନ ସଦା ଚାହୁଁ ଥାଏ ତୋ ମହା ପ୍ରସାଦ ।

କାନିକା, ବଗଡ଼ା ଅନ୍ନ, ଖେଚୁଡ଼ି ତୋର

ତା ସଙ୍ଗେ ବହଳ ଡାଲି ସାଧା ମହୁର

ବେସର, ମଧୁରୁଚି ଖଟାର ସୁଆଦ

ନ ବାଢି ଖାଇବାରେ କେତେ ଯେ ଆନନ୍ଦ

ଆନନ୍ଦ ବଜାରେ ତୋର ମହା ପ୍ରସାଦ ।

ଛପନ ଭୋଗରେ ତୋର ଶୁଖିଲା ଭୋଗ

ଦେଖିଦେଲେ ମନେ ଆସେ ଭାରି ସରାଗ

ଖଜା, କାକରା, ଲଡ଼ୁ, ଜଗନ୍ନାଥ ବଲ୍ଲଭ

ଖୁରୁମା, ମଗଜ ଲଡ଼ୁ, ଗଜାର ସୁଆଦ

ଯିଏ ଚାଖିଛିରେ ଜଗା ନ ପାଏ ଭେଦ ।