ଭାଗ୍ଯ

ଭାଗ୍ଯରେ ଥିଲା ପ୍ରାପତ ହେଲା

କହନ୍ତି ଏହା ଲୋକେ ।

ଭାଗ୍ଯେ ନଥିଲେ ମିଳିବ କାହୁଁ

କହିଥାଆନ୍ତି ଥୋକେ ।୧।

ଭାଗ୍ଯ କହ ବା ଦଇବ କହ

ବୁଝାଏ ଏକା କଥା ।

ଭାଗ୍ଯ ବିଧାନ ଦୈବ ବିଧାନ

ବୁଝ ବିଧି ବ୍ୟବସ୍ଥା ।୨ ।

ପିତାମାତାଙ୍କ ସଂଯୋଗ କାଳେ

କପାଳେ ଲେଖେ ବିହି ।

ଜୀବନ ସାରା ଭୋଗେ ଯା ପ୍ରାଣୀ

ଏକଥା କହେ କେହି ।୩।

ସୁଜନେ ଏବେ କହୁଛି ଯାହା

ଶୁଣ ତା ସାବଧାନେ ।

ସଂଯୋଗ କାଳ କରିବ ସ୍ଥିର

ଏବେ ତୁମ୍ଭେ ଯତନେ ।୪।

ସୁତସୁତାଙ୍କ ଭାଗ୍ଯ ଲିହିବ

ତୁମ ସଂଯୋଗ ବଳେ ।

ସତ୍ଯ ଏକଥା ନୁହେଁ ଅନ୍ୟଥା

ଦେଖ ପୁରାଣ ଛଳେ ।୫।

ନିଜର ଭାଗ୍ଯ ନିଜେ ଗଢିବ

ବିଚିତ୍ର ଏ ନୁହଇ ।

ସୁପ୍ତ ସିଂହର ମୁଖରେ ମୃଗ

କେବେ କି ପଶେ ଯାଇ ? ୬।

ପୌରୁଷ ତୁମ ଜାଗ୍ରତ କର

ଉଦ୍ୟମେ କାର୍ଯ୍ୟସିଦ୍ଧି।

ହୁଏ ନିଶ୍ଚିତ ଏକଥା ସତ୍ଯ

ଉଦ୍ଯୋଗ ଦିଏ ସିଦ୍ଧି ।୭।

ଉଦ୍ୟମ ବିନା ମନୋରଥରେ

ହେବ କି ସିଦ୍ଧକାମ ?

ଭାଗ୍ଯ ତୁମର ଗଢିବ ତୁମେ

ଭାଗ୍ଯ ତୁମ ଉଦ୍ୟମ ।୮।

ଯତନ କଲେ ମିଳଇ ରତ୍ନ

ସାର ଏହି ବଚନ।

ଯତନେ ରତ୍ନ ନମିଳେ ଯଦି

ଦେଖ ତା ଦୋଷମାନ । ୯।

ଜାଣିଲେ ଦୋଷ କର ଅବଶ୍ଯ

ତାହାର ପ୍ରତିକାର ।

ଫଳିବ ଭାଗ୍ଯ ନାହିଁ ସନ୍ଦେହ

ଅହୋଭାଗ୍ୟ ତୁମର ।୧୦।