ଭାବଥିଲେ

ଭାବଥିଲେ ଅଭାବକୁ କିଏ ବା ପଚାରେ

ସଖା ପରା ବିପଦରେ ଜୀବନ ବି ଦିଏ

ଭାବ ଥିଲେ କଷ୍ଟ କାମ ସହଜରେ ହୁଏ

ଲୁଣମିଶା ପାଣି ପରା ମିଠା ରସ ହୁଏ

ଭାବ ଥିଲେ ଅବେଳରେ ସହଯୋଗ ମିଳେ

ଧୌର୍ଯ୍ୟ ଧରି ଲଢ଼ିବାକୁ ସାହସ ବି ମିଳେ

ଭାବ ଥିଲେ ଶତ୍ରୁ ଅବା ହୋଇବେ କିମ୍ପାଇଁ

ବିନା ଦୋଷେ ଅପମାନ କରିବେ ଯେ କାହିଁ

ଭାବଥିଲେ ନରକ ଯେ ସରଗ ଲଗାଇ

ଖୁସି ମନେ ଶାନ୍ତି ମନେ ଦିନ ଯେ କଟଇ

ଭାବଥିଲେ ମନ କଥା ବନ୍ଧୁକୁ କହିଲେ

ଦରଦଟା ଚାଲିଯାଏ ଦୁଃଖ ମନେ ଥିଲେ

ଭାବଥିଲେ ପଥର ବି ଦେବତା ହୁଅନ୍ତି

ଦୁଃଖେ ସୁଖେ ଭକତର ସହାୟ ହୁଅନ୍ତି

ଭାବଥିଲେ ଜୀବନଟା ଓଦା ଓଦା ଲାଗେ

ଜିଇଁଥିବା ଯାଏଁ ଦିନ ସୁଖଭରା ଲାଗେ