ଭାବର ଠାକୁର

ଭାବର ଠାକୁର କାଳିଆ ସାଆନ୍ତ

     ଭିନ୍ନ ଭିନ୍ନ ଅବତାର

ଧାରଣ କରନ୍ତି କଳୁଷ ନାଶନ୍ତି

     ଉଶ୍ୱାସୀ ଧରିତ୍ରୀ ଭାର।

ସତ୍ୟରେ ନୃସିଂହ ତ୍ରେତୟାରେ ରାମ

     ଦ୍ଵାପର ଯୁଗେ ଶ୍ରୀକୃଷ୍ଣ

କଳି ଯୁଗେ ପ୍ରଭୁ ଜଗନ୍ନାଥ ସ୍ଵାମୀ

      ପତିତ ତାରଣେ ବଶ।

ଚତୁର୍ଦ୍ଧା ମୂରତି ବିଜେ ହୋଇଛନ୍ତି

       ରତ୍ନ ସିଂହାସନ ପରେ

ଦେଖିଲା ଲୋକଙ୍କ ଆଖି ଲାଖି ଯାଏ

       ସୁବେଶରେ ମନ ହରେ।

କେତେ କେତେ ପାପୀ ତରି ଯାଇଛନ୍ତି

     ଶ୍ରୀକ୍ଷେତ୍ରକୁ ବିଜେ କରି

ଭକତ ଜୀବନ ଭକତ ବାନ୍ଧବ

      ଦୀନବନ୍ଧୁ ସେହି ହରି।

ଜୟ ଜଗନ୍ନାଥ ଜୟ ନୀଳାଚଳ

     ବର୍ଣନା ନୁହେଁ ଯାହାର

ନାମର ମହିମା ସ୍ଥାନର ଗାରିମା

      ତ୍ରିଭୁବନେ ଅଟେ ସାର।