ଲାଇବ୍ରେରୀ
ପ୍ରୋଫାଇଲ୍
ଭାବର ଠାକୁର
ଭାବର ଠାକୁର
ତୁମେ ନୀଳାଦ୍ରି ନାଥ
ନୀଳାଚଳ ବାସୀ
ହେ ନୀଳକନ୍ଦର ନାଥ
ଭକତ ଗଳାମାଳ
ଭକ୍ତି ଭାବରେ ବନ୍ଧା
ହେ କଳା ଠାକୁର
ଭାବକୁ ନିକଟ ତୁମେ ପ୍ରଭୁ
ଅଭାବକୁ କର ଦୂର
ଭାବେ ବନ୍ଧା ହେ ସାଆନ୍ତେ
ତୁମେ ଭାବର ଠାକୁର ।
ଏ ଭବ ସାଗରୁ ପ୍ରଭୁ
ତୁମେ କର ପାର
କଳା ନାଉରୀ ସାଜି
ଭାବରେ ହଜି ମଜି
ଭକତି ଭାବରେ
ତୁମ ଭକତ କୁ କର ପ୍ରଭୁ ପାର
ହେ କଳା ସାଆନ୍ତ ହେ ଜଗତ ନାଥ
ଭକ୍ତ ଧନ ତୁମେ ଗଳାହାର
ଭାବେ ନିମଜ୍ଜିତ ହୋଇ
ଭାବରେ ଭାବରେ ସବୁ
ଏ ସଂସାରେ ଲୀଳା ଖେଳା କର
ଭାବ ବିନୋଦିଆ ଆହେ ଭାବର ଠାକୁର ।
ତୁମ ପାଇଁ ଏ ଜଗତ
ତୁମେ ହିଁ ସୃଷ୍ଟି ର ଶ୍ରେଷ୍ଠ
ତୁମ ପାଇଁ ସୃଷ୍ଟି ସ୍ଥିତି ପ୍ରଳୟ
ତୁମେ ସ୍ରଷ୍ଟା ତୁମେ ସୃଷ୍ଟି
ତୁମେ ହିଁ କାରଣ ଅଟ ପ୍ରଳୟ ର
ତୁମେ ଜଳ ସ୍ଥଳ ବାୟୁ
ତୁମେ ମାୟା ତୁମେ ଛାୟା
ତୁମେ ହିଁ ତ କାୟା
ଏ ସକଳ ସୃଷ୍ଟି ର
ଭାବେ ଯେ ଡାକିଲା ପ୍ରଭୁ
ତାକୁ ତ କର ଉଦ୍ଧାର
ସେ ପାଇଁ ତ ତୁମେ ପ୍ରଭୁ
ଭାବର ଠାକୁର ।
ତୁମରି ଦୟାରୁ ପଙ୍ଗୁ ଲଙ୍ଘେ ଗିରି
ତୁମେ ହିଁ ସ୍ତମ୍ଭ ରୁ ବାହାରି
ହିରଣ୍ୟକଶିପୁ ର
ବୁକୁ ଦେଲ ବିଦାରି
ଭକ୍ତର ଭାବରେ ହୋଇ ବିଭୋର
ଭକ୍ତ ମାନ ରକ୍ଷା ପାଇଁ
ଧରିଲ ପ୍ରଭୁ ହେ ନୃସିଂହ ଅବତାର
ତୁମ ଲୀଳା ଖେଳା ସଭିଙ୍କୁ ଅଗୋଚର
ତୁମେ ହିଁ ତ ଯୁଗେ ଯୁଗେ
ଭକ୍ତର ଭକ୍ତି ର ଭାବର ଠାକୁର।
