ଲାଇବ୍ରେରୀ
ପ୍ରୋଫାଇଲ୍
ଭାବର ଠାକୁର
ଭାବର ଠାକୁର
ଭାବର ଠାକୁର ଭାବରେ ବନ୍ଧାତୁ
ଆହେ ନୀଳଗିରୀ ଗୋସାଇଁ
ତୋ ଭାବରେ ପଡି ତୋତେ ଜେ ଭଜିଛି
ଜାଣୁ ତାକୁ ଏକା ତୁହି
କେତେ ଆଦରରେ ଦାସିଆ ବାଉରୀ
ନଡ଼ିଆ ଦେଲାରେ ତୋତେ
ଭକତ ମନକୁ ବୁଝିଲୁ ବୋଲି ରେ
ନଡ଼ିଆ ନେଲୁ ତୋ ହାତେ
ଆହେ ଭାବଗ୍ରାହୀ ହିନି କପାଳି ମୁଁ
ମୋପାଖରେ କିଛି ନାହିଁ
ଅତି ଯତନରେ ତୁଳସୀ ମାଳ ମୁଁ
ଗୁନ୍ଥିଛି ରେ ତୋ ପାଇଁ
ପାଟପିତାମ୍ବରୀ ପିନ୍ଧାଇ ରେ ତୋତେ
ମୟୂର ଚନ୍ଦ୍ରିକା ଦେଇ
କେତେ ରୀତିନୀତି ଭେଷ ପଟୁଆର
ହେଉଥାଏ ତୋ ପାଇଁ
ନାନା ଭେଷ ତୋର କିଏବା କହିବ
ଜାଣିଥାଉ ଜଗା ତୁହି
ସବୁ ଜାଣିଶୁଣି ମଉନେ ରହିବୁ
ମାଉନିଆଁ ଦିଅଁ ତୁହି
ବଡ଼ଖିଆ ବୋଲି କହୁଥାନ୍ତି ତୋତେ
ସରଧାରେ ଭକ୍ତ ତୋର
ଷାଠିଏ ପଉଟି ତୋପାଇଁ ଖଞ୍ଜା
ଜାଣିଛି ଏହିସଂସାର
ଯେତେଖାଉଥାଅ ଯେତେବୋହୁଥାଅ
ମନତପୁରି ହୁଏନି
ଯେତେ ଦେଖିଲେ ବି କହିବୁକି ଜଗା
ତୋ ଦର୍ଶନ କୁ ଭୁଲିପାରୁନି
ଭକତ ଭିଡରେ ଯେବେ ତୋତେ ମୁଁ ଦେଖଇ
ହସୁଥାଉ ମୋତେ ଚାହିଁ
ତୋଭାବରେ ହଜି ବାରି ତୁଳସୀରେ
ମାଳଟିଏ ମୁଁ ଧରିଛିରେ ତୋପାଇଁ
ଭାବର ଠାକୁର ତୋଭାବରେ ଗୁନ୍ଥା
ତୁଳସୀର ମାଳ ନେବୁ କି ମୋ ହାତରୁ ତୁହି 🙏🏻
