ଭାବାନ୍ତର

ଆତ୍ମାର ଚୌହଦୀ ଭିତରେ

ଇଛା ଟେ ଗୁମୁରି ଗୁମିରି କାନ୍ଦେ

ଫେରନ୍ତା ପକ୍ଷୀର ଡେଣାକୁ ଚାହିଁ ରହେ

ଦୂର ଆକାଶରେ

ପ୍ରାର୍ଥନାର ସ୍ୱର ପରି ନରମିଯାଏ କଣ୍ଠ

ଛଳନାରେ ଛଟପଟ ମୋର ଅସ୍ତିତ୍ବ

ମୁକ୍ତି ପାଇଁ ରାହା ଟିକେ ଖୋଜେ

ସମ୍ଭାବନାର ଋତୁ ବଦଳେ

ଋତୁ ପରି ବଦଳନ୍ତି ଚରିତ୍ର

ମୁଁ କିନ୍ତୁ ସେଇଠି ଅଟକି ଯାଏ ଯେଉଁଠି

ଖୁବ ଶୋଷ ରେ ଗୋଟେ ସମୁଦ୍ର

ସମୟ ତ ଚୂପ ଚାପ୍ ସବୁକାଳେ

ନିରବ ନିରପେକ୍ଷ ଦର୍ଶକ ଟେ

ପାଇବା ହରେଇବାର

ହିସାବ ବିତରେ ହି

କୃଷ୍ଣ ଚୁଡା ରଙ୍ଗହୀନ ମାନେ ହୁଏ

ହାରି ହାରି ବଂଚିବାକୁ ହୁଏ ପ୍ରତିକ୍ଷଣେ

ଯଦିଓ କୌଣସି ବିଜୟ

ଚିରନ୍ତନ ନୁହେଁ

ତଥାପି ଲଢ଼ିବାକୁ ହୁଏ ଅହରହ

ଯଦି ଏ ବଦଳିବା ଉପଲବ୍ଧି

ତେବେ ଗୋଟେ ଯୁଗାନ୍ତକାରୀ ପ୍ରତୀକ୍ଷା

ରେ ମୁଁ ଅଟକି ରହିବି

ଅହଲ୍ୟା ର ମନ ନେଇ

ହୁଏ ତ କାହା ପାଦ ସ୍ପର୍ଶ ରେ

ବଦଳି ଯାଇ ପାରେ ଭାଗ୍ୟ ।