STORYMIRROR

Swarnalata Dash

Abstract

4  

Swarnalata Dash

Abstract

ଭାବ ତ ବୁଝିବ

ଭାବ ତ ବୁଝିବ

1 min
309

କେତେ ପ୍ରାରବ୍ଧର ପାପ ଥିଲା ବାକି

ସୁଧ ମୁଳେ ଭୋଗ କରୁଛି

ଆଷାଢ଼ ଶ୍ରାବଣ ଏ ନୟନ ଦୁଇ

ଲୁହ ବରଷାରେ ଭିଜୁଛି l

ବଂଚିବା ମରିବା ସମାନ ହେଲାଣି

ଅଭିନୟ ଖାଲି କରୁଚି

ତଵ ପାଦ ପଦ୍ମେ ସମର୍ପି ଦେଇଛି

ଯାହା କିଛି ବାକି ରହିଛି l

ସଂସାର ଜଂଜାଳେ ଦୁଃସହ କଷଣ

ଭାଗ୍ୟ ଚକ୍ର ଖାଲି ବୁଲୁଛି

ଘନୀଭୂତ ମେଘେ ଚପଳା ଚମକେ

ହୃଦ ଅଶନୀରେ କମ୍ପୁଛି l

ପାଦ ଟଳମଳ ମନ ଅଗଣାରେ

ସ୍ମୃତି ଚିତା ସବୁ ଲିଭୁଛି

ମନ ଇଲାକାରେ ନୀରବ ଯନ୍ତ୍ରଣା

ଅଜାଗା ଘା'ସେ ହୋଇଛି l

ଭାବ ବିନୋଦିଆ ଭାବ ତ ବୁଝିବ

ଆଶା ଭରସା ମୁଁ ରଖିଛି

ଶେଷ କାଳେ ଦେଵ ସ୍ବର୍ଗଦ୍ୱାରେ ସ୍ଥାନ

ଏତିକି ମିନତି କରୁଛି ll


ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Abstract