ବେକାରୀ ସମସ୍ୟା ସମାଧାନ ପନ୍ଥା

ବେକାରୀ ସମସ୍ୟା ବଢ଼ି ଯାଉଅଛି

ମୋ ସରକାର ଟିକେ ଶୁଣ ଗୁହାରି

ଓଡ଼ିଆ ବେକାରୀ ସମସ୍ୟା ଉପରେ

ନଜର ବୁଲାଅ ଆହୁରି ।

ଏହି ସମସ୍ୟାର ସମାଧାନ ପାଇଁ

କର କିଛି ଗୋଟେ ପନ୍ଥା

ବେକାରୀ ସମସ୍ୟା ଦୂର ନ ହୋଇଲେ

ଓଡ଼ିଶା ପଡ଼ିବ ବନ୍ଧା ।

ଏ ପନ୍ଥାର ଯଦି ଉପାୟ ରହିଛି

କର କିଛିଗୋଟେ ନବୀନ

ଦେବଦୂତ ନବୀନ ତୃତୀୟ ଗ୍ରନ୍ଥକୁ

କରନ୍ତୁ ନିଶ୍ଚୟ ପଠନ ।

ବଣମଲ୍ଲୀ ଏଠି ବଣରେ ଫୁଟିକି

ବଣରେ ଯାଉଚି ଝଡି

ପଳାଶ ଫୁଲକୁ ସମସ୍ତେ ଚିହ୍ନନ୍ତି

ନେଇ ଯାଆନ୍ତି ଉଠି ପଡି ।

କେତେଦିନ ଆଉ ଦୁଃଖ କଷ୍ଟରେ

ଚାଲିବ ଆମ ଜୀବନ

ନବୀନ ତୁମେ ଦେବଦୂତ ହୋଇ

କର ଆମକୁ ଉଦ୍ଧାଋଣ ।

ଯୁବକ ଯୁବତୀ କେତେ ଆଶା ନେଇ

ତୁମକୁ ରହିଛନ୍ତି ଚାହିଁ

କେବେ ତାଙ୍କ ଆଶା ପୁରଣ କରିବ

ଚାକିରୀ ଖଣ୍ଡକ ପାଇଁ ।

ଆଶା ତାଙ୍କ ଆଜି ଆଶାରେ ରହିଲା

କେହି ପାରିଲେନି ବୁଝି

ଏହି ରାଜ୍ୟ ଋଣ ଆହୁରି ବଢିଲା

କେହି ପାରିବେନି କି ସୁଜି ?

ଓଡ଼ିଶାର ନାମ ଦେଶେ ବିଖ୍ୟାତ

ବାହାର ରାଜ୍ୟରେ ଦାଦନ ଖଟି

ପୋଷୁଛନ୍ତି ନିଜ ପେଟ

କେମିତି ଓଡ଼ିଶା ଖ୍ୟାତ !

ଭରସା କରିଣ ସରକାରଙ୍କୁ

ରହିଛନ୍ତି ବାଟ ଚାହିଁ

କେବେ ତାଙ୍କ ଓଠେ ହସ ଫୁଟିବ

କୁହ ହେ ଓଡ଼ିଶା ସାଇଁ ।

ଅନେକ ପ୍ରତିଭା ମାଟିରେ ମିଶୁଛି

କେହି ପାରୁ ନାହାଁନ୍ତି ତା ଜାଣି

ତାଙ୍କରି ଦୁଃଖକୁ କିଏ ସେ ବୁଝିବ

ବୁଝ ତୁମେ ରାଜ୍ୟ ମଣି ।

ନବୀନ ତୁମେ ଏ ରାଜ୍ୟର

ଅଟ ଯେ ମଉଡ ମଣି

ଆମର ଦୁଃଖକୁ ବୁଝି ପାରିବ

ତୁମେ ସବୁ କିଛି ଜାଣି ।

ହଜାରେ କବିତା ଲେଖିଛି ନବୀନ

ଖାସ୍ ତୁମରି ପାଇଁ

ସବୁଥିରେ ତୁମେ ନାୟକ ସାଯିଛ

ଗୋଟିକରେ ଖାଲି ନାହିଁ ।

ତୁମ ବିନୁ ମୋର ସେଇ କବିତାଟି

କାହାଣୀ ରହିଛି ଅଧା

ମିଛ ସପନର ମନ ସିନ୍ଦୁକରେ

ବେକାରୀ ପଡ଼ିଛି ବନ୍ଧା ।