😄ବେଇମାନ କିଏ 😄

କଥାଟି ଚିକଣ ତିଳକ ସରୁ

ବେଇମାନିଆଙ୍କ ଅଟଇ ଗୁରୁ ।

କଥା ଦେଇ କଥା ରଖେନି ଯିଏ

ଶତ୍ରୁ ହୋଇ ଯଦି ଭାବ ଲଗାଏ ।

ମିଛ କଥା ସଦା ପାଟିରେ କୁହେ

ସତ କଥା ପାଖେ କେବେ ନ ଯାଏ।

ମିଠା କଥା କହି ମନକୁ ମୋହେ

ଦେହକୁ ପଡିଲେ ପାଖେ ନ ଥାଏ ।

ମିଠା କଥା କହି ପାଖରେ ରହି

ଠେଲିପେଲି ଦିଏ ଗଛେ ଚଢେଇ ।

ବିପଦ ଆସିଲେ ଖସେ ସେଠାରୁ

ବେଇମାନିଆଙ୍କ ଅଟଇ ଗୁରୁ ।

ନିଜ ପେଟ କାଟି ପାଳେ ସନ୍ତାନ

ବାପାମାଆଙ୍କର ସେ ଗଣ୍ଠି ଧନ।

କାଳ ଯଦି କଟେ ତାଙ୍କ ହତାଦରେ

ବେଇମାନ ହୁଏ ସାରା ସଂସାରେ ।

ଗୋଟିଏ ଗର୍ଭରୁ ଜାତ ହୋଇ ଯିଏ

ଭାଇ ଭାଇ ହୋଇ ଚଳୁଥାଏ ସିଏ ।

ଭାରିଜା କଥାରେ ଉଠ ବସ ହୁଏ

ଗୋଟିଏ ରକ୍ତରେ ବାଡ଼ ପକାଏ ।

ବଡ଼ ପାହ୍ୟା ପାଇ ଅଫିସ ଚଳାଏ

କଳା ଧଳା କରି ପଇସା ଖାଏ ।

କୁଢ଼ କୁଢ଼ ଟଙ୍କା ଅନ୍ୟାୟରେ ଆଣି

ବ୍ୟାଙ୍କରେ ଜମା ଖାତା ବଢାଏ ।

ରାଜାର ଚାକର ହୋଇ ଯେବେ କିଏ

ଗୁପ୍ତ କଥା ନେଇ ଶତ୍ରୁଙ୍କୁ କୁହେ ।

ଶତ୍ରୁ ପାଶେ ସଦା ମିତ୍ର ହୋଇ ରୁହେ

ରାଜ୍ୟ ପାଇଁ ବଡ଼ କଳଙ୍କ ସିଏ ।

ଏଇମାନଙ୍କୁ ଧନ ପାଖୁ ଦୁରେଇ

ସଂସାର ଗଢ଼ିବୁ ପରଖି ନେଇ ।