ବଡଦାଣ୍ଡେ ନନ୍ଦିଘୋଷ
ବଡଦାଣ୍ଡେ ନନ୍ଦିଘୋଷ
ବଡ଼ ଦାଣ୍ଡେ ଗଡେ ନନ୍ଦିଘୋଷ ରଥ
କେତେ ଯେ ଭକତ ମେଳେ
ସଂସାର ପଥରେ ମୋ ଜୀବନ ରଥ
ଏକୁଟିଆ ସବୁବେଳେ!0!
ଷୋଳ ଚକା ରଥ ତୋର ନନ୍ଦିଘୋଷ
ଷୋଳ କଳାରେ ତୁ ପୂର୍ଣ୍ଣ
ରଥ ଚକ କେତେ ଜଣା ନାହିଁ ମୋତେ
ମୁହିଁ ଅଟେ କଳା ହୀନ
ଗୁଣ୍ଡିଚା ଯାତରେ ଯାଉଛୁ ମଜାରେ
ଲେଖା ନାହିଁ ମୋ କପାଳେ!1!
ମାଆ ତୋ ଚାହିଁଛି ପାଛୋଟି ନେବଟି
ଅଜାଡି ଦେବ ତା ସ୍ନେହ
ମୋ ମାଆ କେଉଁଠି କେ ନେବ ପାଛୋଟି
ସ୍ନେହ ଦେବ କିଏ କହ
ଅଜର ଅମର ତୋର ପରିବାର
ଚରାମରା ମୋ ସଂସାରେ!2!