ବଡ ଠାକୁର

କେନ୍ଦ୍ରାପଡ଼ା ମୋତେ ଲାଗଇ

ସଖୀ ବଡ଼ ସୁନ୍ଦର

ପୁଜା ପାଉଛନ୍ତି ମୋ ପ୍ରଭୁ

ହଳ ମୁଷଳ ଧର

କେନ୍ଦ୍ରାପଡ଼ା ମୋତେ ଲାଗଇ

ସଖି ବଡ଼ ସୁନ୍ଦର

କେଦ୍ରାପଡ଼ା ମାଟି ଅଟଇ

ଜନ୍ମ ମାଟି ମୋହର

ମୁଣ୍ଡ ଲଗାଇ ମୁଁ କରୁଛି

କୋଟିକୋଟି ଜୁହାର

କେନ୍ଦ୍ରାପଡ଼ା ପ୍ରିୟଭୋଗକୁ

ଭୁଲି ପାରିନି କେହି

ରସାବଳୀ ନାମ ବିଖ୍ୟାତ

ସାରା ଓଡିଶା ଭୂଇଁ

ପିଲା ଦିନୁ ଖେଳି ବୁଲିଛି

ରଥ ଦାଣ୍ଡେ ତାହାର

କେନ୍ଦ୍ରାପଡ଼ା ମୋତେ ଲାଗଇ

 ସଖୀ ବଡ଼ ସୁନ୍ଦର

ଭାଇ ଭଗ୍ନି ଧରି ସଙ୍ଗତେ

ଉଭା ଜଗତ ପିତା

ବଡ଼ ଦିଅଁ ବଡ଼ ଠାକୁର

ସେ ଦଇବ ବିଧାତା

କପାଳେ ସୁନାର ଚିତା ଲୋ

 ଭୁଜେ କର ପଲ୍ଲବ

ବଳେ ବଳିଆ ମୋ ଠାକୁର

ପ୍ରଭୁ ଶ୍ରୀ ବଳଦେବ

ବଡ଼ ସିଂହାରର ବେଶ ଟି

ଦିଶେ କେଡେ ସୁନ୍ଦର

କେନ୍ଦ୍ରାପଡ଼ା ମୋତେ ଲାଗଇ

 ସଖୀ କେଡେ ସୁନ୍ଦର

କନ୍ଦରା ସୁରକୁ ବିନାଶି

ଇଚ୍ଛାପୁରେ ନିବାସୀ

ଶ୍ରୀ ମଧୁ ସାଗର କୁଳିଆ

ତୁଳସୀ କ୍ଷେତ୍ର ବାସି

 ସପ୍ତଫେଣୀ ନାଗ ଶ୍ରୀ ଅଙ୍ଗେ

 ହୋଇଛନ୍ତି ଭୁଷିତ ଗଳାରେ

ତୁଳସୀ ମାଳା ଲୋ

ଦିଶଇ ସୁଶୋଭିତ

ମଣିମୟ ପରଂବ୍ରହ୍ମ ଲୋ

ପ୍ରଭୁ ଶ୍ରୀ ବଳରାମ

ଜପୁଥା ହୃଦୟ କନ୍ଦରେ

ନିତ୍ୟ ରାମ ଶ୍ରୀ ରାମ

ଉଡ଼ାନ୍ତି ଧବଳ ଧ୍ଵଜ ଲୋ

ଇଚ୍ଛାପୁରରେ ରହି

ତେଜି ପକା ହିଂସା ଗର୍ବ ଲୋ

ତାରେ ଶରଣ ଯାଇ

 ଜୟ ବଳଭଦ୍ର ଭଦ୍ରା ହେ

ପ୍ରଭୁ ଜଗତ ନାଥ

କାନ୍ଧେ ଶୋଭା ହଳ ମୁଷଳ

ଜୟ ରେବତୀ କାନ୍ତ

କେନ୍ଦ୍ରାପଡ଼ା ଇଷ୍ଟଦେବ ହେ

ଇଚ୍ଛାପୁର ବିହାରୀ

ଭାରତୀ କରଇ ଚରଣେ

ପ୍ରଭୁ ଏହି ଗୁହାରୀ

ମାଡି ଆସୁଅଛି ବିପଦ

ପ୍ରଭୁ ଲୋଡେ଼ ଶ୍ରୀ ପଦ

ରକ୍ଷା କର ରକ୍ଷା କରହେ 

ପ୍ରଭୁ ଶ୍ରୀ ବଳଦେବ

ଧନ ସମ୍ପତି ଲୋଡ଼ା ନାହିଁ

ଲୋଡ଼ା ତବ କରୁଣା

କରୁଣା ନକଲେ ପ୍ରଭୁ ହେ

ହୋଇ ବି ବାଟବଣା

ତୋର ଦାସାନୁଦାସ କର

ମୋର ଏହି ମିନତୀ

ଚରଣେ ଶରଣ ପଶଇ

ପ୍ରଭୁ ଦିନ ଭାରତୀ।