ବାୟା ବସା

ସ୍ରଷ୍ଟାଙ୍କ ସୃଷ୍ଟିରେ କ୍ଷୁଦ୍ର ବିହଙ୍ଗମ

ନାମ ତା ବାଇ ଚଢେଇ

ନୀଳ ଆକାଶରେ ଉଡିବୁଲୁଥାଏ

ଖୁସିରେ ଡେଣା ମେଲାଇ

ଛୋଟ ଦେହେ ତାର ବିରାଟ ବୁଦ୍ଧି

ସତେ କି କୁଶଳୀ କାରିଗର

କୁନି ଥଣ୍ଟରେ ତା କାଠି କୁଟା ନେଇ

ରଚିଥାଏ ନୀଡ ଗଛ ଉପର

ବାଆ ବତାସକୁ ନ ଥାଏ ତା ଡର

ନୀଡଟି ତାର କେଡେ ସୁନ୍ଦର

ସକାଳୁ ରୁ ସଞ୍ଜ ଉଡିବୁଲୁଥାଏ

କର୍ମେ ହୋଇ ସେ ସଦା ତତ୍ପର

ରାଗ ହିଂସା ତାର ତିଳେ ମାତ୍ର ନାହିଁ

ବିତରିଥାଏ ସ୍ନେହ ଆଦର

ଛୋଟ ପକ୍ଷୀଟିଏ ହେଲେ ସେ ମଧ୍ୟ

ହୁଏନି କେବେ ଦୁଃଖେ କାତର ।