ଲୁହ

ହସ ଟିକେ ଯଦି ଦେଇ ପାରିବନି

କାହିଁକି ଦେଉଛ ଲୁହ

ଏ ଆଖିରେ ତୁମେ ଲୁହ ଧାର ଦେଖି

କି ସୁଖ ପାଉଛ କୁହ ?

ସୁଖ ବୋଲି ଯେଉଁ ଦୁଇଟି ଅକ୍ଷର

ମୋ ଭାଗ୍ୟରେ ବୋଧେ ନାହିଁ

ମନ ଖୋଲି ଟିକେ ହସି ଦେବା ପାଇଁ

ଅଧିକାର ମୋର କାହିଁ ?

ଜୀବନ ଟା ମୋର ଜଉଘର ସମ

ଚାରି ପାଖେ ନିଆଁ ତାତି

ସ୍ନେହ, ପ୍ରେମ,ପ୍ରୀତି ସପନ ମୋ ପାଇଁ

ଲୁହ ମୋର ଚିର ସାଥି ।

ଆଖି ଶାମୁକା ର ଅମୂଲ୍ୟ ମୁକୁତା

ଝରିଯାଏ ନୀରବରେ 

ତଥାପି କି ତୁମ ମନ ବୁଝୁନାହିଁ

ଏତେ ଦୁଃଖ ଦେବା ପରେ ?

ସହିବାକୁ ଆଉ ଶକ୍ତି ନାହିଁ ପ୍ରଭୁ

ଧୌର୍ଯ୍ୟ ଆଉ ମୋର ନାହିଁ ....

ପରୀକ୍ଷା ଉପରେ ପରୀକ୍ଷା ନେଉଛ

କୁହ ପ୍ରଭୁ କାହିଁ ପାଇଁ ।