ବାତ୍ୟା
ବାତ୍ୟା
ସୂରୁଯ ଉତ୍ତାପ ବଢିଲେ କମଇ
ବାୟୁମଣ୍ଡଳ ସାନ୍ଧ୍ରତା
ବାୟୁ ଚାପ କମି ଅବପାତ ସୃଷ୍ଟି
ହୁଏ କମିଲେ ସାନ୍ଧ୍ରତା ||
ସେହି ଅବପାତ ଲଘୂଚାପ ରୂପ
ଧାରଣ କରଇ କ୍ରମେ
ଚକ୍ରବାତ ସୃଷ୍ଟି ହୋଇ ଭୟଙ୍କର
ବାତ୍ୟା ରୂପ ନିଏ କ୍ରମେ ||
ବାତ୍ୟାର ଉତ୍ପତ୍ତି ସମୁଦ୍ର ଉପର
ବାୟୁ ମଣ୍ଡଳରେ ହୋଇ
ଉପକୂଳ ଆଡେ ଗତି କରି ତାହା
ଯାଏ ସ୍ଥଳଭାଗ ଛୁଇଁ ||
ଯେବେ ସ୍ଥଳଭାଗ ଛୂଇଁଥାଏ ତାହା
ଦେଖାଇ କରାଳ ରୂପ
କେଇ ଘଣ୍ଟା ମଧ୍ୟେ ପ୍ରଳୟ ରଚିଣ
କରିଦିଏ ଧ୍ୱଂସ ସ୍ତୂପ ||
ଅଣଚାଶ ବାଆ ବହିବା ସାଙ୍ଗକୁ
ବରଷା ତୁହାକୁ ତୁହା
ଚା ଜୂଆର କୂଳ ଲଙ୍ଘି ଆସି
ଧୋଇନିଏ ତଟ ଗାଆଁ ||
ଗରିବ ବାପୁଡା ଝାଟିମାଟି ଚାଳ
ଘରକୁ ଉଡାଇ ନିଏ
ନଈନାଳ ବଢି କରେ ଜଳମଗ୍ନ
ଦୁର୍ଦ୍ଦଶା ବଢାଇ ଦିଏ ||
କାନ୍ଥ ଟଳି ପଡେ ଛାତ ଉଡିଯାଏ
ଭାସେ ନର ପଶୁ ପକ୍ଷୀ
କୀଟ ତରୁ ଲତା ସ୍ଥାବର ଜଙ୍ଗମ
ଶସ୍ୟ କ୍ଷେତ ନିରିମାଖି ||
ପାଦପ ଟଳଇ ବିଦ୍ୟୁତ୍ ଟାୱାର
ସବୁ ଟଳେ ନିମିଷକେ
ଟେଲିଫୋନ୍ ଖୁଣ୍ଟ ଟାୱାର ବିଧ୍ବସ୍ତ
ହୋଇଯାଏ ନିମିଷକେ ||
ବିଦ୍ୟୁତ ସାଙ୍ଗକୁ ଟେଲି ଯୋଗାଯୋଗ
ସବୁ ଠପ୍ ହୋଇଯାଏ
ବାତ୍ୟା ଆସି ଥାଏ ରକ୍ତ ମୁଖାହୋଇ
ଧନ ଜନ ନେଇଯାଏ ||
ବାତ୍ୟା ଗଲା ପରେ ଭୋକ ଉପାସରେ
ଖୋଲା ଆକାଶର ତଳେ
ପ ସୂରୁଯ ରାତ୍ରେ ଜହ୍ନ ତାରା
ଦେଖେ ଡହଳ ବିକଳେ ||
ଉପକୂଳବର୍ତ୍ତୀ ଅଞ୍ଚଳର ଲାଗି
ବାତ୍ୟା ଚିର ସହଚର
ପ୍ରତି ବର୍ଷ ଆସି ପ୍ରଳୟ ରଚଇ
କଷ୍ଟ ଦେଇ ବାରମ୍ବାର ||
ବନ୍ୟା ବାତ୍ୟା ଅଟେ ଜାତୀୟ ବିପତ୍ତି
ପ୍ରାକୃତିକ ବିପର୍ଯ୍ୟୟ
ଟାଳି ହେବ ନାହିଁ ଚଳିବାକୁ ହେବ
କରି ଉନ୍ନତ ଉପାୟ ||
କରିବାକୁ ହେବ ବନ୍ୟା ବାତ୍ୟାରୋଧି
ରାସ୍ତା ଘାଟ କୋଠାଘର
ଭୂତଳ କେବୁଲ ପୋତିବାକୁ ହେବ
ବିଦ୍ୟୁତ୍ ଟେଲିଯୋଗାଯୋଗର ||
ଲାଭଖୋର ଭାବ ମନରେ ନରଖି
ଉପାୟ ବାହର କର
ବାତ୍ୟା ଆସୁଥିବ ବନ୍ୟା ହେଉଥିବ
ନଥିବ ତିଳେ ହେଁ ଡର ||