ଲାଇବ୍ରେରୀ
ପ୍ରୋଫାଇଲ୍
ବାଟୋଇ ର ଆଶା
ବାଟୋଇ ର ଆଶା
ବାଟ ସାରା ଶିଉଳୀ
ଖସିଗଲେ ପାଦ
ଅଥଳ ଅଚଳ ଆକୁଳ
ରକ୍ଷାକର ବନମାଳୀ
ବାଟସାରା ଖସଡ଼ା
ଖସିଗଲେ ପାଦ
ଚାରିପାଦ ଆଗକୁ
କି ଚାରିପାଦ ପଛକୁ
ମାନିବିନି ଅର୍ଦ୍ଧଳି କି ଅଡା
ଯୋଡ଼ିବେତ ଯେତେ ବାଡା
ବାଟ ଯଦି ଅମଡ଼ା
ଆଗେ ଆଗେ ଥିବ ତମେ
ପଛେ ପଛେ ମୁଁ ଗମେ
ବୁଲିଚାହିଁଲେ ଦିଶିବ ମୋ
ସାକ୍ଷୀଗୋପାଳ ପଡା
ସେଇଠି ରହି
ବୋଲାଇବ ଗୋପୀନାଥ
ରାଧାରାଣୀ ଧରିଥିବେ
ହାତେ ଫୁଲତୋଡ଼ା
ବାଟ ଯଦି କଣ୍ଟକିତ
ହୁଏ ମୁଁ ଆତଙ୍କିତ
ଉଦ୍ଧାର ମୁଁ ଛାର ପତିତ
ତୁମେତ ମହା ଗଣିତ
ପୁଣି ଭାବର ସାହିତ୍ୟ
ମୁଁ ଯାହା ନିଉଛଣା
ବାଟଯଦି ଗୋଲାପରଫୁଲ
କିଏ ବା କାହିଁ ଆସିବ
ତମ ଏ ଦେଉଳେ
ଶଙ୍ଖ ମଲମଲ ଅବା
ଦୀପ ମହମହ ଝୁଣା ଚହଚହ
ସେଥିପାଇଁ ତମ ହସରୁ
ଝରେ ମଲ୍ଲୀଫୁଲ
ଅସହାୟ ଅବଶ
ମୁଁ ଖୋଜେ ତାରାଫୁଲ
ଗୋସେଇଁ ଟିକେତ
ହାତ ଧରି ମୋର ଚାଲ
ବାଟ ସାରା କୁହୁଡି ରେ
ମୁଁ ଆକତାମାକତା
ବାଟସାରା କଣ୍ଟା
ଝୁଣ୍ଟି ଝୁଣ୍ଟି ଭାଙ୍ଗିଲେ ବି ଅଣ୍ଟା
କରୁଣା ତୁମ ମୋ ପାଇଁ ନୁହେଁ ନିଅଣ୍ଟା
ବାଟ କେବେ ଅଜଣା
କେତେ ଆକଟ କଟକଣା
ତଥାପି ଗୋଟାଇ ଚଳୁଛି ତୁମ୍ଭ କରୁଣା
ବାଟ ସାରା ମିଛ ମାୟା ମୋହ
ତୁମ୍ଭେ ଯଦି ଅଛ ଦୟାମୟ
ମୋର ଖାଲି ଜୟ ନାହିଁ ପରାଜୟ ।
