ଲାଇବ୍ରେରୀ
ପ୍ରୋଫାଇଲ୍
ବାର୍ଦ୍ଧକ୍ୟ
ବାର୍ଦ୍ଧକ୍ୟ
1 min
262
ଶଶାଙ୍କ ଶେଖର ରାୟ
ବେକ ଭାଙ୍ଗି ଚାହେଁ
ଆକାଶେ ନିରବ ଝଡଟିଏ
ତାଣ୍ଡବ ରଚୁଥାଏ ସୂର୍ଯ୍ଯାସ୍ତରେ
ଆଶାର ସରୁଧାର ନଈଟିଏ
କେବେଠୁଁ ଗଲାଣି ଶୁଖି
ପଡିଛି କେବଳ ଦେହ
ଅସଜଡା ରାତିର ବିଛଣାରେ
ଛିଣ୍ଡା କାଗଜ ପଲିଥିନ ଭଳି
ଉଡିବୁଲେ ମନ
ଏ ଗଳିରୁ ସେ ଗଳିରେ ।
ବୟସର ଅପରାହ୍ନେ
ଖୋଜିବୁଲେ ସକାଳ
ବୁଢୀଆଣୀ ଅଳନ୍ଧୁ ଜମିଥିବା
ପରିତ୍ୟକ୍ତ କେଉଁ ଭଙ୍ଗା କୋଠାଘରେ
ଦିର୍ଘଶ୍ଵାସ ସବୁ ବାହାରିଯାଏ
ଅସ୍ଥି ପଞ୍ଜରା ଥରାଇ
ଜାକିଜୁକି ମନଟା ଚାହିଁଥାଏ
ଚୁପଚାପ ଜୁଳୁଜୁଳୁ ହୋଇ
ଉତ୍ତରା କୋହଲା ପବନରେ ।
ଶୁଖିଲା ଲୁହ ପିଇପିଇ
ମାତାଲଟିଏ ସାଜି
ଭାଙ୍ଗୁଥାଏ ପୁଣି ଯୋଡୁଥାଏ
ହସୁଥାଏ ପୁଣି କାନ୍ଦୁଥାଏ
ଏକାଏକା ନିଜ ଭାବନାରେ
ମିଞ୍ଜିମିଞ୍ଜି ଜଳୁଥିବା
ଡିବିରୀର ସ୍ଵପ୍ନ ନେଇ
ବଞ୍ଚିବାକୁ ହେବ
ଅଧା ଛାଇ ଅଧା ଆଲୁଅରେ ।
ବଟରପଡା ରାଜକନିକା କେନ୍ଦ୍ରାପଡା
