ଲାଇବ୍ରେରୀ
ପ୍ରୋଫାଇଲ୍
ବାର୍ଦ୍ଧକ୍ୟ
ବାର୍ଦ୍ଧକ୍ୟ
1 min
465
ବାର୍ଦ୍ଧକ୍ୟ ତାଡନେ ଭୋଗେ ଦୁଃଖକଷ୍ଟ
ପେଟକୁ ମିଳେନି ଦାନା
ସବୁଥାଇ ମୋର ନିଶ୍ବ ମୁହିଁ ଆଜି
ପିନ୍ଧୁ ଅଛି ଚିରା କନା
ପୁଅ ବୋହୁ ମୋର ପଚାରନ୍ତି ନାହିଁ
ଦିଅନ୍ତି ନାନା ଯାତନା
ଏ ବୁଢା ବୟସେ ଚଳିବି କେମିତି
କାଶିବାକୁ ବି ଏଠି ମନା
ସବୁ କିଛି କରି ଅଲୋଡ଼ା ମୁଁ ଆଜି
ଘରେ ନାହିଁ ଅଧିକାର
ଭାରି ଦୁଃଖ ଲାଗେ ଭାବିଲେ ଏକଥା
ଆପଣା ହୁଅଇ ପର
ଜରାଜୀର୍ଣ୍ଣ ମୋର ଏ ଶେଷ ଅବସ୍ଥା
ଦେହେ ପିଟା ଦାଗ ଚିହ୍ନ
ଚମ ଧୁଡୁ ଧୁଡୁ ଅସ୍ପଷ୍ଟ ଏ ଆଖି
ଫିକା ପଡ଼ିଲାଣି ବର୍ଣ
ଆଉ ଆଶା ନାହିଁ ନିଜ ଲୋକ ପାଖେ
ଚାଲି ଯିବି ବୃଦ୍ଧାଶ୍ରମ
ଜପି ପ୍ରଭୁ ନାମ କାଟିବି ଜୀବନ
ଦୂର କରି ସବୁ ଭ୍ରମ
