ବାପା

ଯେତେ ବି ଝଡ଼ ଆସୁ

ଯେତେ ବି ବାଧା ଆସୁ

ଯେତେ ବି ଦୁଃଖ ଆସୁ

ଯେତେ ବି କଷ୍ଟ ଆସୁ

ତମେ ପାଖେ ଛିଡା ହେଲା ମାତ୍ରକେ

ଛୁ ହୋଇଯାଏ ମୋ ଆଖି ସାମ୍ନାରୁ ସବୁ

ଭରିଯାଏ ହୃଦୟରେ

ଅଦମ୍ୟ ସାହସ

ଅସୀମ ଧୈର୍ଯ୍ୟ

ଅମାପ ନିର୍ଭିକତାର ଶକ୍ତି

ଶିରା ପ୍ରଶିରାରେ ଜୀବନ୍ତ ଇଚ୍ଛାର ସ୍ରୋତ।

ତମେ ହିଁ ମୋ ଆକାଶ

ମୋ ପୃଥିବୀ

ମୋ ସାଗର

ଯେଉଥିପାଇଁ ପ୍ରତିକ୍ଷଣ

ମୁଁ ନିର୍ଭୟରେ ରହେ

ତମ ଆକଟରେ ମୁଁ ଜୀଏଁ

ସ୍ବପ୍ନ ଦେଖେ

ବାଟ ଚାଲେ

ତମ ସ୍ନେହ ଶ୍ରଦ୍ଧା ପ୍ରେମରେ

ତମ ତ୍ଯାଗ ଉତ୍ସାହ ଆଶୀର୍ବାଦରେ

ମୋ ଭବିଷ୍ୟତ ଗଢେ।