ବହି

କେବେ ଗଳ୍ପ କେବେ କବିତାର

କେବେ ଗୀତ କେବେ କାହାଣୀର

ମଧୁର ସମ୍ଭାର

ସେଇତ ବହି

ଯାହାର ପ୍ରତିଟି ପୃଷ୍ଠାରୁ ଝରେ

କିଛି ରୋମାଞ୍ଚ

କିଛି ପ୍ରଣୟ

କିଛି କଲ୍ପନା

କିଛି ବାସ୍ତବ

କିଛି ଐତିହ୍ୟ

କିଛି ସଂସ୍କୃତିର ଅମୀୟ ନିର୍ଝର

ଗାଁରୁ ସହରଯାଏ

ପିଲାଠାରୁ ବୁଢାଯାଏ

ସବୁଠି ସେ ଆଦରଣୀୟ

ସବୁଠି ସେ ପରିଚିତ

ସଭିଙ୍କର ଅଭୁଲା ବନ୍ଧୁଟିଏ

ପୁଣି ସେ ଅସରନ୍ତି ଜ୍ଞାନର ଉତ୍ସ

ଗୋଟେ ଶିକ୍ଷିତ, ସାକ୍ଷର, ଉନ୍ନତ ସମାଜର

ଅନନ୍ଯ ବିକଳ୍ପ

ସ୍ବତନ୍ତ୍ର ପରିପ୍ରକାଶ