ଲାଇବ୍ରେରୀ
ପ୍ରୋଫାଇଲ୍
ବାପା
ବାପା
1 min
313
ମଣିଷ ବଦଳି ଯାଏ
ହେଲେ ହୃଦୟତ ଏମିତି ଚିଜଟିଏ
ଯାହା ସେମିତି ହିଁ ଥାଏ
ଚାଳିଶି ବର୍ଷ ବୟସରେ ମୁ
ବାପାଙ୍କ ଆଖିରେ ସେଇ ଛୋଟ ଝିଅ
ତାଙ୍କ ସ୍ନେହ ସଦିଚ୍ଛା କହିପାରିବିନି
ଅନୁଭବ କରେ ଅଜସ୍ର ଗଭୀରତାରେ
ଶରୀର ଅସୁସ୍ଥ ଅବା କର୍ମଜଞ୍ଜାଳ
ଯଦି ଚୁପଚାପ୍ ଆନମନା ହୁଏ କେବେ
ବାପାଙ୍କ ଫୋନ୍ ପାଏ
ବାରମ୍ବାର ସେଇ ଏକାପ୍ରଶ୍ନ
ସବୁ ଠିକ୍ ତ ମାଆ? କିଛି ଅସୁବିଧା ହୋଇନିତ?
ବୋଧହୁଏ ମୋ ନୀରବତାରେ
ତାଙ୍କ ମେରୁହାଡ଼ ଦୋହଲିଯାଏ
ଭଲ ଲାଗୁ ବା ନଲାଗୁ
ବାପା ମତେ ଏବେବି ଚାଲିବା ଶିଖାନ୍ତି
ହୁଏତ ଝୁଣ୍ଟିପଡି ଲହୁ ଲୁହାଣ ହେବି
ଏ ଭାବନାରେ ଚିନ୍ତିତ ରହନ୍ତି
ଜୀବନ ଟା ପ୍ରତ୍ୟେକ କ୍ଷେତ୍ରରେ
ଏକ ବିରାଟ ଚ୍ୟାଲେଞ୍ଜ
ବାପାଙ୍କ ଅଭୟ ହସ୍ତରୁ ଝରୁଥିବା ଆଶୀଷର
ସାନ୍ତ୍ୱନା ରେ ମୁ ଆହୁରି ଚିକ୍-ଚିକ୍ କରେ.....
ତାଙ୍କ ପାଇଁ କରି ନାହିଁ କେବେ କିଛି
ଆଶା ଓ ଭରସା କିନ୍ତୁ ଅନେକ ପାଇଛି
ମୋ ଠାରୁ ସେ ଅଜସ୍ର ଦୂରରେ
ଈଶ୍ୱରଙ୍କ ଆସ୍ଥାନ ରେ
ଭରସା ରଖିଛି ବାପା ହୋଇ ଆସୁଥିବେ
ପୃଥିବୀ ରେ ମୋ ପ୍ରତ୍ୟେକ ଜନ୍ମରେ
