ମାଆ

କେବେ ଯଦି ମନେପଡେ ମାଆ ମୋର 

ଆଖି ଲୁହରେ ଜକେଇ ଯାଏ

କେମିତି ଦିନରାତି କାମ କରେ ସିଏ

ପିଲା କାନ୍ଦିଲେ କୋଡ଼ରେ ପକାଇ

ରାତିରାତି ଉଜାଗର ରହେ

 ଦୃଷ୍ଟି ଲାଗିଗଲା ....

ଅଡ଼ୁଆ କେଶ ଶୁଖିଲା ଲଙ୍କାରେ ଝାଡିଝୁଡି 

ରୋଗ ଛାଡ଼ି ଯିବ କହେ 

ପିଠିକୁ ସାଉଁଳେଇ ବୋଧ ଦିଏ

 ନିଶ୍ଚିନ୍ତରେ ଜଗି ରହେ

ବେଳେବେଳେ ମାତା ଶୀତଳା

ଜର ଦେବତାକୁ କ୍ଷୀର ଓ କଦଳୀ 

ପଣା ଯାଚି ଦିଏ

ସୁଖ ସମୟକୁ ସବୁଠୁ ସୁନ୍ଦର କରିଦେବା 

ଯାଦୁକରୀ କଳା ତା'କୁ ଜଣାଥିଲା

ଇଶ୍ୱରଙ୍କ ହାତରେ ଶକ୍ତିମୟୀ ଦେବୀ

ମାଆ ମୋର

 ସବୁଠୁ ସୁନ୍ଦର ଥିଲା