ବାପା

ବାପାଙ୍କ ହୃଦୟ ଫୁଲଠୁ କୋମଳ 

    କଥା ପର୍ବତଠୁ ଟାଣ ,

ଏ କଥା କୁ ଯିଏ ମନରେ ହେଜିଛି

    ହସିଛି ସାରା ଜୀବନ ।୧

ବାକ୍ୟ ତ କଠୋର ମନ ନିରିମଳ 

     ଭବିଷ୍ୟ ଉଜ୍ଜ୍ୱଳ ପାଇଁ ,

 ଟାଣ ଲାଗେ ସିନା କଥା କେଇପଦ

     ଦିଅଇ ବାଟ ବତାଇ ।୨ 

 ଆଗେ ଗାଳି ଦେଇ ଲୁଚି ଯେ କାନ୍ଦଇ

    ବେଦନା ନ ଦେଖେ କେହି ,

 ଜୀବନ ଟା ସାରା ଖଟୁଥାନ୍ତି ସେହି

    ଖୁସି ଚେନାଏ କ ପାଇଁ । ୩

 ବାପା ହାତ ଧରି ଚାଲୁଥିଲେ ବାଟ 

     ସହଜେ ପଥ ଲଘିଂବ ,

ସଂସାର ପଥରେ ଝୁଣ୍ଟିବା ଆଗରୁ

    ସଳଖ ବାଟ ଦିଶିବ ।୫

 ସୁଧାରିବା ପାଇଁ ସନ୍ତାନ ଜୀବନ

    ମନକୁ କଠୋର କରି ,

ଘଣ୍ଟ ଘୋଡାଇ କି ପିଲାଙ୍କୁ ରଖନ୍ତି

    ହୃଦରୁ ଅଶ୍ରୁ ନିଗାଡି ।୬

କ୍ଷଣେ ନ ଦେଖିଲେ ବ୍ୟସ୍ତ ବିବ୍ରତ ହୁଅନ୍ତି

    ଡାକି ବସାନ୍ତି ପାଖରେ ,

ବଜାରରୁ କେତେ ମାଲ କିଣିଆଣି

     ଖୁଆନ୍ତି ନିଜ ହାତରେ ।୭

 ବାପାଙ୍କ ହୃଦୟ  ବଖାଣିବା ପାଇଁ

    ନାହିଁ ମୋ ପାଖରେ ଭାଷା ,

ବାପା ହାତ ଧରି ଚାଲୁଥିଲେ ବାଟ

    ହେବନାହିଁ ଲୋକହସା ।୮।