ବାପା ଡାକରେ
ବାପା ଡାକରେ
1 min
337
ବାପା ଡାକ ରେ ଅମୃତ ଭରେ ରେ
ଭାସେ ମନ୍ଦିର ମହକ
ଦରଦୀ ପ୍ରାଣର ଚଳନ୍ତି ସାନ୍ତ୍ଵନା
ଦିବ୍ୟ ପ୍ରେରଣା ପ୍ରତୀକ।
ହାଡ଼ଭଙ୍ଗା ତୁମ ସତ୍ୟନିଷ୍ଠ କର୍ମ
ସେବା ତ୍ୟାଗରେ ତ ତୃପ୍ତ
ସନ୍ତାନ ସୁଖର ଆଶାୟୀ ଆକାଂକ୍ଷା
ଅପ୍ରାପ୍ତିରେ ସଦା ପ୍ରାପ୍ତ ।
କୋଳେଇ ନେବାକୁ ପୁଣି ଥରେ ମୋର
ସେଇ ଆହତ ସ୍ବପ୍ନକୁ
କ୍ଲାନ୍ତିର ଦୁଃଖରେ ଚାଲିଆସ ବାରେ
ବ୍ୟାକୁଳେ ଖୋଜେ ତୁମକୁ।
ତୁମ କୋଳ ମୋର ଶାନ୍ତ ସ୍ନିଗ୍ଧ ଘର
ମାଗିବାକୁ ପଡ଼େ ନାହିଁ
ଭାଗ୍ୟ ଭବିଷ୍ୟତ ଭଣ୍ଡାର ପବିତ୍ର
ଆଶୀଷ ଝର ମୋ ପାଇଁ ।
କୋଟିଏ ଜନ୍ମର ପୁଣ୍ୟ ଆତ୍ମା ତୁମେ
ସନ୍ତାନର ଶୁଭ ଶଙ୍ଖ
ନୀଳ ସିନ୍ଧୁ ପରି ଦିବସ ଶର୍ବରୀ
ଧୋଇ ଦିଅ କେତେ ପାପ।