ବାଳକୃଷ୍ଣ ବଂଶୀଧାରୀ
ବାଳକୃଷ୍ଣ ବଂଶୀଧାରୀ
1 min
380
ନନ୍ଦ ଡାକୁଥିଲେ କହ୍ନେଇଁ କହ୍ନେଇଁ
ଯଶୋଦା ଡାକିଲେ କାହ୍ନା
ଗେପପୁର ବାସୀ ସେନେହରେ ତାକୁ
ଡାକିଲେ କାଳିଆ ସୁନା I
ସମସ୍ତଙ୍କର ସେ ନୟନ ପିତୁଳା
ଗୋପ ଆକାଶରେ ଜହ୍ନ
ବିଶ୍ୱରୂପ ଦେଖି ମା ଚିହ୍ନିଗଲେ
ପୁତ୍ରରୂପୀ ଭଗବାନ I
ବଡ ଅଜବ ତା ବାଲ୍ୟଲୀଳା ଖେଳା
ବନସ୍ତକୁ ଗାଈ ନିଏ
ଶତୃରୂପେ ଯେତେ ଅସୁର ଆସନ୍ତି
ନିମିଷକେ ମାରିଦିଏ I
ମା' ଯାଚି ଦେଲେ ପେଟ ତା ପୁରେନି
ସେ ପରା ଲବଣୀ ଚୋର
ଘରଘର ବୁଲି ଲବଣୀ ଚୋରାଏ
କରୁଥାଏ ହରବର I
ସାଙ୍ଗ ମଧ୍ୟେ ଶ୍ରେଷ୍ଠ ସୁବଳ ସୁଦାମା
ବଡଭାଇ ବଳରାମ
ସଭିଙ୍କର ମନ ଖୁସିହୁଏ ଦେଖି
ରାଧାକୃଷ୍ଣଙ୍କର ପ୍ରେମ I
ବଂଶୀଧର ସେ ବଇଁଶୀ ବଜାଇ
ସସସ୍ତଙ୍କୁ କରେ ଖୁସି
ପୁତ୍ର ଖୁସି ଦେଖି ଯଶେଦା ଜନନୀ
ଦଅନ୍ତି ଅଳପ ହସି I