ବାଲିରେଣୁ ମହାବନ୍ଧ

ବାଲିରେଣୁ ମହାବନ୍ଧ ସୁଜନେ ହେ

      ବାଲିରେଣୁ ମହାବନ୍ଧ

ଅସାର ସଂସାର ବାଲୁବନ୍ତ ପରେ

      ବାନ୍ଧିଅଛି ସେତୁବନ୍ଧ l

ଜଗତେ ବାରତା ଜଗତ କରତା

       ମନ୍ଦ ମନ୍ଦ ମକରନ୍ଦ

ଇନ୍ଦ୍ର ଦ୍ୱନ୍ଦ୍ୱ କଲି ଶିଳା ବରଷିଲି

    ଦିନେ ନଭଜି ଗୋବିନ୍ଦ l

ଗାନ୍ଧାରୀ ହୋଇଲି ଗାନ୍ଧାର ଗାଇଲି

      ଚକ୍ଷୁ ପଟି ମନେ ଦ୍ଵନ୍ଦ୍ୱ

ଷଢ଼ଅରି ପାଳି ପୁତ୍ର ସ୍ନେହେ ଭୁଲି

       କହେ ଧୃତରାଷ୍ଟ୍ର ଅନ୍ଧ l

କୁନ୍ଦ କୁନ୍ଦେ କୁନ୍ଦା ନାମ ମୋ ମକୁନ୍ଦା

       ଧାକୁନ୍ଦା ମୁହିଁ ଜନ୍ମାନ୍ଧ l

ମାତୃଗର୍ଭୂ ପଡ଼ି ପାଶୋରିଲି ହରି

      ଦୟା କର ଆଦିକନ୍ଦ l

ଆହେ କଳାମୁଖ ନୋହିବ ବିମୁଖ

       ବନ୍ଦେ ଚରଣାରବିନ୍ଦ

ସିନ୍ଧୁ ଜେମାପତି ଶ୍ରୀମତୀ ଶ୍ରୀପତି

      ମୁହିଁ ଅପରାଧୀ ମନ୍ଦ l

ଜୟ ବୃନ୍ଦାରଣ୍ୟ ଗିରି ଗୋବର୍ଦ୍ଧନ

     ଗୋପୀ ମଣ୍ଡି ବୃନ୍ଦ ବୃନ୍ଦ

ଜୟ ଜୟ ହରି ମାଧବ ମୁରାରୀ

   ଜୟ ଶ୍ରୀରାଧେ ଗୋବିନ୍ଦ l