ଅମୃତ ଉତ୍ସବ
ଅମୃତ ଉତ୍ସବ
ଅମୃତ ଉତ୍ସବ ସ୍ଵାଧିନତାର
ଚରଖା ଅରଟ ଖଦିର ଚମତ୍କାର
ଦିଲ୍ଲୀ ଚାଲ ର ଉଦ୍ଦାମ ଚିତ୍କାର
ଇନ୍କଲାବ ଜିନ୍ଦାବାଦ୍ ର ସମୂହ ସତ୍କାର ।
କୋଟି କୋଟି ବୀର-ବୀରାଙ୍କ ବଳିଦାନ
ହସି ହସି ଫାଶିଖୁଣ୍ଟ ଚୁମ୍ବନ
ଫିରିଙ୍ଗି ଶାସନ ବିରୁଦ୍ଧେ ଯୁଦ୍ଧ ସମନ
ସବୁ ନାଗରିକ ଜଣେ
ଜଣେ ସମର୍ଥ ସୈନ୍ୟ ।
ବିତିଗଲାଣି ୭୫ ବର୍ଷ
ଚାଲିଗଲାଣି ଦୀର୍ଘ ଅବଧିର ୭୫ ବର୍ଷ
ହର୍ଷ - ବିମର୍ଷ ରେ
କୁଶଳ- ମଙ୍ଗଳରେ
ଜିନ୍ଦାବାଦ - ମୂର୍ଦାବାଦରେ ।
ସ୍ଵାଧିନ ହେବାର ଲାଳସା
ସ୍ଵତନ୍ତ୍ର ହେବାର ବଚସା
ଆଜି ବି କରେ ବଳିୟାନ ମହିୟାନ
ଦେଦୀପ୍ଯମାନ ଜାଜ୍ୱଲ୍ୟମାନ ।
ଆମେ ରହୁ ବା ନରହୁ
ଆମେ ବଞ୍ଚୁ ବା ନ ବଞ୍ଚୁ
ଗୌରବ ସୌରଭ ବିଭବ
ଅକ୍ଷୂର୍ଣ୍ଣ ଅଖଣ୍ଡ ଅତୁଲ୍ଯ ।
ରହିବ ଆମର
ଆମ ସମସ୍ତଙ୍କର ପ୍ରୀୟ
ସ୍ୱପ୍ନର ଭାରତ ବର୍ଷ ।