ବାକି ରହିଯାଏ କିଛି ତଥାପି

ମୁଁ ତୁମକୁ ସଜେଇବାକୁ ଚେଷ୍ଟା କରିଛି

ମୋର ଶବ୍ଦର ଅଳଙ୍କାର ଦେଇ

ହେଲେ କେବେ ତୁମକୁ ମୋ ତୁଳିର ରଙ୍ଗରେ

ବନ୍ଦୀ କରିବାର ସ୍ବପ୍ନ ବି ଦେଖିନି।

ତୁମେ ମୋ ପାଖରେ ଥିଲେ 

ମୁଁ ବହୁତ୍ ଖୁସି ହୁଏ ସତ 

ହେଲେ ତୁମ ବିନା ମୋ ସ୍ଵପ୍ନର କଳ୍ପନା

ମୁଁ କେବେ ସ୍ଵପ୍ନରେ ବି କରିନି।

ବହୁତ ଥର ଭାବିଛି ତୁମକୁ ଦେଖି

ମୁଁ ଧରି ରଙ୍ଗ ତୋଳି ହାତରେ

ଅଙ୍କିଦେବି ଏକ ଛବି ତୁମର 

ରଖିଦେବି ତୁମକୁ ମୋ ପାଖରେ।

ହେଲେ ପୁଣି ସେଇ ଅଜଣା ଡର

ଆସି ଛୁଇଁ ଯାଏ ମୋର ମନକୁ 

ଯଦି ଆଙ୍କିଦେବି ଛବି ତୁମର

ତୁମେ ଲିଭିଯିବ ମୋର ମନରୁ।

ଏମିତି ଡର ମନରେ ନେଇ ସ୍ଵପ୍ନରେ 

ମୁଁ ସଜେଇବାକୁ ଚେଷ୍ଟା କରେ ତୁମକୁ

ହେଲେ କାହିଁକି କେଜାଣି ସ୍ୱପ୍ନର ଶେଷରେ

ବାକି ରହିଯାଏ କିଛି ତଥାପି।