ବାଜି ରାଉତ
ବାଜି ରାଉତ
ଉଣେଇଶ ଶହ ଛବିଶ ମସିହା
ଅକ୍ଟୋବର ପାଞ୍ଚ ଦିନ
ଜନ୍ମ ଲଭି ଥିଲ ଢେଙ୍କାନାଳ ଜିଲ୍ଲା
ନୀଳ କଣ୍ଠପୁର ଗ୍ରାମ ।
ଗରିବ କୃଷକ ପରିବାରେ ତୁମେ
ଦୁଃଖ କଷ୍ଟ ସାଥେ ବଢ଼ି
ବାର ବରଷରେ ଦେଶ ଜାତି ପାଇଁ
ଦେଇଗଲ ପ୍ରାଣ ବଳି ।
ପ୍ରଜା ଆନ୍ଦୋଳନ ଦମନ ପାଇଁ କି
ବ୍ରିଟିଶ ଫଉଜ ଆସି
ଦମନ କରିବା ପାଇଁ ଯିବା ବେଳେ
ନଦୀ ଘାଟେ ଥିଲ ଜଗି ।
ଅନ୍ଧାର ରାତିରେ ବ୍ରାହ୍ମଣୀ ନଦୀରେ
ପ୍ରଜା ମଣ୍ଡଳ ସିପାହୀ
ସାଜି ସାରା ରାତି ଯାଏଁ ହେ ଏକାକୀ
ତୁମେ ଥିଲ ଜଗି ରହି ।
ବ୍ରିଟିସ ଫଉଜ ଆସି ବାର ଚାହିଁ
ଡଙ୍ଗା ଲୁଚାଇ ରଖିଲ
ଏ ହେତୁରୁ ତୁମେ ବ୍ରିଟିସ ପୋଲିସ
ଗୁଳିର ଶିକାର ହେଲ ।
ପ୍ରହାରକୁ ଜାରି ରଖି ସେ ଫିରିଙ୍ଗି
ହତ୍ୟା କରିଲା ତୁମକୁ
ହେଲେବି ଅଟଳ ସାହସୀ ବାଳକ
ଡଙ୍ଗା ନ ଦେଲ ତାହାଙ୍କୁ ।
ତୁମରି ଚିତ୍କାର ଶୁଣି ବହୁଲୋକ
ଡେଇଁ ପଡିଲେ ସଂଗ୍ରାମେ
ଦେଶ ଜାତି ପାଇଁ ଦେଲେ ପ୍ରାଣ ବଳି
ମତ୍ତ ହୋଇ ଦେଶ ପ୍ରେମେ ।
ବ୍ରିଟିଶ ଫଉଜ ଗୁଳିରେ ସଭିଏଁ
ତେଜି ଗଲେ ଧରା ଧାମ
ବାର ବରଷର ହେ ବୀର ବାଳକ
ଘେନ ଜାତୀୟ ପ୍ରଣାମ ।