ବାହୁଡ଼ା ଯାତକୁ ଯିବା

କହିଥିଲ ତୁମେ କେତେ କରି ମୋତେ

ରଥ ଯାତରାକୁ ନେବ 

ନନ୍ଦିଘୋଷ ରଥେ ଜଗତନାଥଙ୍କୁ

ଦର୍ଶନ କରାଇ ଦେବ ।

ସଂସାର ଜଞ୍ଜାଳେ ଜଡ଼ି;

ଶ୍ରୀକ୍ଷେତ୍ର ଧାମକୁ ଯାଇ ପାରିଲେନି

ନନ୍ଦିଘୋଷ ଗଲା ଗଡ଼ି ।

କଅଣ କରିବା ପଡ଼ିଶା ଘରର

'ସାରିଆ'ଟା ଏକୁଟିଆ 

ସନ୍ନିପାତ ତାକୁ ହେଲା ସେତେବେଳେ

ହେଲ ତା' ଦୁଆରେ ଠିଆ ।

ଦେଲ ଅଉଷଧ ଆଣି;

ଦୁଇଟା ଦିନରେ ଭଲ ହୋଇ ସିଏ

ପିଇଲା ତୋରାଣି ପାଣି ।

ସକଳ ଘଟରେ ନାରାୟଣ ପରା

ଭାଗବତେ ଅଛି ଲେଖା 

କରିଲ ତ ଗୋଟେ ମହତ କରମ

ଇଏ ବି ପୂଣ୍ୟରେ ଲେଖା ।

ବାହୁଡ଼ା ଯାତକୁ ଯିବା;

ଚତୁର୍ଦ୍ଧାମୂର୍ତ୍ତିଙ୍କୁ ଦରଶନ କରି

ଭକତିରେ ଭୋଳ ହେବା ।