ବାହାନା

ତୁମେ ଯଦି ଜାଣି ଜାଣି ସବୁ କଥାରେ ଏମିତି କରିବ ବାହାନା

କେହି ହୁଏତ ଜାଣିପାରିବେନି ତୁମକୁ

ହେଲେ କେତେ ଦିନ ଏମିତି ତୁମେ

ସୂର୍ଯ୍ୟଙ୍କୁ ପିଠିକରି ଆଲୋକକୁ ଏଡାଇ ପାରିବ

ଲାଗୁଛି ତୁମେ ବୋଧେ ଡରିଯାଉଛ ନିଜକୁ

ହୁଏତ ସାମ୍ନା କରିବାର ଶକ୍ତି ତୁମଠି ନାହିଁ

ଯେତେବେଳେ ତୁମେ ପୁରା ଡୁବି ଯାଇଛ ମିଛର ସାଗରରେ

କେବେ କାହିଁକି ଚେଷ୍ଟା କରୁନ ଟିକେ ପହଁରିବାକୁ

ତୁମେ କଣ ଭାବୁଛ କେହି ଆସି ଉଦ୍ଧାରିବ ତୁମକୁ

ହେଲେ ଏକଥା କିଏ କହିବ ସେତେବେଳକୁ ତୁମର ଅବସ୍ଥା

ସୂର୍ଯ୍ୟଟା ବି ଢଳି ଯିବନି ନିଜର ସବୁ ଆଲୋକକୁ ଶେଷକରି

ଜୁଆଡ଼େ ଆଖିଯିବ ଖାଲି ଅନ୍ଧାର ହିଁ ଅନ୍ଧାର

ନା ତୁମକୁ କିଏ ଦେଖିବ ନା ତୁମେ କାହାକୁ

ପରିଶେଷ କଣ ?ନଥିବ ସମୟ ପ୍ରାୟଶ୍ଚିତର ..

ତାହେଲେ ଏତେ ସବୁ ବାହାନା କଣ ଲାଗି

ତୁମେ ଯେ ବାହାନା କରି କରି ଅନ୍ୟକୁ ଠକୁ ଠକୁ

ନିଜେବି ଠକି ଗଲଣି ସମୟ ପାଖରେ ବାହାନାର ଦ୍ୱାହି ଦେଇ

ଯଦି ତୁମେ ସ୍ୱାର୍ଥପର ନହୋଇ କାହା ଖୁସିଲାଗି କରିଥାନ୍ତ ବାହାନା

ନିଶ୍ଚୟ ତୁମେ ହୋଇପାରିଥାନ୍ତ ଜଣେ ଭଲ ମଣିଷରେ ଗଣା।।