लाइब्रेरी
प्रोफाइल
ବାହାନା
ବାହାନା
1 min
505
ଖରା ଗରମଟା ବଢିଯାଏ ଯେବେ
ବିକଳରେ ଢୋକେ ଚଢେଇଦିଏ
ଶୀତ ଯେବେ ହୁଏ ଦେହଟା ଉଷୁମ
କରିବା ପାଇଁକି ଦି'ଢୋକ ପିଏ
ବର୍ଷା ହେଲେ କାଳେ ଥଣ୍ଡା ସର୍ଦ୍ଦି ହେବ
ସେପାଇଁ ଭାଟିରେ ବୋତଲ ଖୋଲେ
ଆଉ ବେଳେବେଳେ ଢୋକେ ମାରିଦିଏ
ଯଦି ଅବା କେବେ ବର୍ଷା ନ ହେଲେ
ପିଇବାଟା ମୋର ଅଭ୍ୟାସ ନୁହଁଇ
ଦୁଃଖରେ ନ ହେଲେ ସୁଖରେ ପିଏ
କାହିଁକି ରାଗୁଛୁ ଆଲୋ ମୋ ସୁନ୍ଦରୀ
ଦୁନିଆଁରେ କହ କିଏ ନପିଏ
ରଖିଦେଇ ଝାଡୁ ଆସୁନୁ ମିଶିକି
ଟେକିବା ବୋତଲ ଏକାଠି ବସି
ନିଶା ଚଢିଗଲେ ବୋବାଲ କରିବା
ସାହିଲୋକ ଦେଖି ମରିବେ ହସି
ତୁ ତ ନୋହୁଁ ସୁଲୋଚନା ଲୋ ସୁନ୍ଦରୀ
କାହିଁକି ରାଗିକି ଉଠୋଉ ଝାଡୁ
ମୁଁ ନୁହେଁ ବିଚରା ବାବୁ ଚନ୍ଦ୍ରମଣି
ଚଳିବନି ତୋର ଝାଡୁ କି ଖଡୁ
