ଲାଇବ୍ରେରୀ
ପ୍ରୋଫାଇଲ୍
ବାହାନା - ନୂତନ ପୁରାତନର
ବାହାନା - ନୂତନ ପୁରାତନର
1 min
253
ସେମିତି କିଛି ଫରକ ନାହିଁ
କାଲି ଆଉ ଆଜି ଭିତରେ
ବଦଳିନି ଜୀବନ
ସମ୍ପର୍କ ଓ ସପନ
ଖାଲି ଯାହା ତାରିଖଟା ବଦଳିଛି
କାନ୍ଥରେ ପୁରୁଣା କ୍ୟାଲେଣ୍ଡର ଜାଗାରେ
ନୂଆ କ୍ୟାଲେଣ୍ଡର ଲାଗିଛି
ନୂତନତା ନାହିଁ
ଗଛରେ, ପତ୍ରରେ
ଆକାଶରେ କି ମାଟିରେ
ସୂର୍ଯ୍ୟରେ କି ସକାଳରେ
ନୂତନତା ନାହିଁ
ସମୁଦ୍ରର ଜୁଆରରେ
ନଦୀର ତୃଷ୍ଣାରେ
କି ପବନର ବାସ୍ନାରେ
ସବୁ ତ ଅଛି ସେମିତି
ମଣିଷ ଖାଲି ବାହାନା କରୁଛି
ନିଜ ଦାୟିତ୍ବରୁ ଦୂରେଇ ଯାଇ
ଜୀବନରେ କୃତ୍ରିମ ରଙ୍ଗ ଦେବାପାଇଁ
ହଜିଯାଉଛି
ନୂତନତା ଓ ପୁରାତନତାର ସନ୍ଧିରେ
ବିଦାୟ ଓ ସ୍ୱାଗତର ବାହାନା କରି
ଠକି ଚାଲିଛି ନିଜକୁ
ସମୟର ଚକଟା ତା' ବାଟରେ ଯାଉ ଯାଉ
ମତୁଆଲା ମଣିଷକୁ ଚାହିଁଦେଇ
ମୁରୁକି ହସୁଛି
