ପହିଲି ପ୍ରେମର ପହିଲି ସପନେ
ପହିଲି ପ୍ରେମର ପହିଲି ସପନେ
1 min
147
ପହିଲି ପ୍ରେମର ପହିଲି ସପନେ
ପହିଲି ଯୌବନ ମହକିଲା
ମନର ହରିଣୀ ହୋଇ ମତୁଆଲା
କସ୍ତୁରୀ ବିତରି ନାଚିଗଲା ।
ନୟନେ ନୟନ ମିଶିଗଲା ଯେବେ
ମଧୁମୟ ଋତୁ ପ୍ରବେଶିଲା
ପୁନେଇଁର ଚାନ୍ଦ ମୁରୁକି ହସିଲା
ସପନ ସବାରୀ ସଜ ହେଲା ।
ମନ ସାଥେ ମନ ହୋଇଲା ମିଳନ
ପୁଣ୍ୟମୟୀ ଧାରା ବହିଗଲା
ହାତ ସାଥେ ହାତ ଛନ୍ଦି ହୋଇଗଲା
ମୃଦୁ ଶିହରଣ ଖେଳିଗଲା ।
ଅଧରେ ଅଧର ମିଶିଗଲା ଯେବେ
ପୀରତିର ଢେଉ ଉଛୁଳିଲା
ପ୍ରେମର ସରିତ କୁଳ ଲଂଘିଗଲା
ହୃଦୟ ତରଣୀ ଭାସିଗଲା ।