ବାହାଘରକୁ ମୋ ଦୂରୁ ଜୁହାର

ବିବାହ କଥା ମୋ  ଶୁଣିବା ପରଠୁ

   ମୁଣ୍ଡ ମୋର ବୁଲାଉଛି

କାମଦାମ ଜମା ଶିଖିନାହିଁ କିଛି

  ଗୋଡ ହାତ ମୋ ଥରୁଛି...

ବାଇଶି ବରଷ ପଶିଲା ପରେ ବି

  ଚାଲାକ ପାରୁନି ହୋଇ

ରୋଷେଇବେଳେ ହାତେ ଚେଙ୍କା ଲାଗିଲେ

   ହେଉଥିବି ହାଇଁ ପାଇଁ...

ସକାଳ ସାତଟା ହୋଇଲେ ମୋହର

   ଆଖିରୁ ନିଦ ତ ଭାଙ୍ଗେ

ଶାଶୁଘରେ ରାତି ଅଧରୁ ଉଠିବି

 (ପୁଣି)ଅନ୍ଧାରକୁ ଡର ଲାଗେ....

ସେଥିପାଇଁ ନିତି ଘରେ ମୁଁ କାନ୍ଦୁଛି

   ବାହା ହେବିନାହିଁ ବୋଲି

ହେଲେ ମାଆ ମୋର କିଛି ବୁଝୁନାହିଁ

    କଜିଆ କରୁଛି ଡେଲି.....

ବାହାଘରକୁ ମୋର ଦୂରୁ ଜୁହାର

    ଶାଶୁଘର ଯିବିନାହିଁ

ହେଲେ ମାଆକୁ ମୋ କିଏ ବୁଝାଇବ

    କାହିଁକି ମୁଁ ବୁଝୁନାହିଁ...।।