ଲାଇବ୍ରେରୀ
ପ୍ରୋଫାଇଲ୍
ସ୍ୱାମୀ ମୋ Single ଭାଗ-1
ସ୍ୱାମୀ ମୋ Single ଭାଗ-1
ବାହାଘର ମୋର ଠିକ୍ ହେବା ଶୁଣି
ମନେ ଖୁସି ଭରି ଗଲା
ଫଟୋ ଉଠାଇବି ଭାବୀ ସ୍ୱାମୀ ସାଥେ
ଭାବି ଭାବି ଦିନ ଗଲା....
ବେଦୀରେ ବସିଲି ସ୍ଵାମୀଙ୍କ ସାଥିରେ
ହାତଗଣ୍ଠି ପକା ହେଲା
ମନେ ମନେ ବସି ଭାବୁଥିଲି ମୁହିଁ
କ୍ୟାମେରା କୁଆଡ଼େ ଗଲା...?
ଦେଖିଥିଲି କେତେ ବିଭାଘର ବୁଲି
କେମିତି ଉଠାନ୍ତି ଫଟୋ
ପାରିଲିନି ବୁଝି କାହିଁ ସ୍ୱାମୀ ମୋର
ଏମିତି କରିଲେ ନାଟ....
ଦିନରେ ବୁଲେଇ ନେବାକୁ କହିଲେ
ମନା ସେ କରନ୍ତି ଖାଲି
"ତୁ ଲିଚୁ ଲାଇଟି ଦେଖିବୁ ରାତିରେ
ଖାଇକି ପନିର ଚିଲି".....
କିଛି ଦିନ ପରେ ସତ ମୁଁ ଜାଣିଲି
ସ୍ୱାମୀଙ୍କର ମତି ଗତି
Facebook ଠାରୁ ସବୁ ଆଇ.ଡ଼ି ରେ
Single ସେ ଲେଖିଛନ୍ତି.....
ସ୍ୱାମୀ ମୋର ଏତେ ନାଟକ କରିବେ
ସ୍ୱପ୍ନରେ ଭାବି ନଥିଲି
ଦୁନିଆ ଆଗରେ ପରିଚୟ ମୋର
ଲୁଚେଇ ଥିବେ ସେ ବୋଲି....
ସାଙ୍ଗ ସାଥି ଯଦି ପଚାରନ୍ତି ତାଙ୍କୁ
ମୁହିଁ ଯେ ତାଙ୍କର କିଏ
ଫଟା ଫଟ୍ ସିଏ ଉତ୍ତର ଦିଅନ୍ତି
ଚାକରାଣୀ ମୋର ଇଏ......
ରାତି ଅଧ ଯାଏଁ ଫୋନ କୁ କେଞ୍ଚନ୍ତି
ପ୍ରୋଜେକ୍ଟ କରୁଛି କହି
ସୁଧାରିବି ଏବେ ସ୍ୱାମୀଙ୍କୁ କେମିତି
ବୁଦ୍ଧି କିଛି ଦିଶୁ ନାହିଁ.....?
✍️ରଶ୍ମିତା ବେହେରା
(ବାଲେଶ୍ୱର)
